Jornalista Estajiáriu Mariano Do Santos / Editór Noémio Falcão
Dili (Timor Post)— Programa Spotlight inisia husi Organizasaun Nasoens Unidas (ONU) iha Timor Leste ho objetivu servisu hamutuk ho sosiedade sivíl hodi prevene Violénsia Kontra Feto no Labarik Feto (VKF-LF).
Koordenador Rejidénte ONU iha Timor Leste, Roy Trivedy haktuir, spotlight parseiria ho sosiedade sivil sira liuliu Belun, Koica, Konfederasaun Sindikatu Timor Leste (KSTL), PRADET no World Vision.
“Spotlight fo prioridade atu suporta sosiedade sivil tanba sira iha papel importante ba xave sentral hodi prevene no responde violénsia kontra feto no labarik feto,” Roy Trivedy ba Jornalista iha hafoin partisipa reuniaun ho sosiedade sivíl inklui mídia, grupu relijiozu no reprejentante husi parte governu, iha Hotel Novo Turismo, Dili, Tersa (23/11/2021).
Nia hatutan, sorumutu ne’e importante tebes hodi fahe esperiénsia ba malu no liuliu fahe ba malu rejultadu peskija sira ne’ebé hala’o tiha ona durante ne’e.
“Programa Spotlight hala’o ona tinan rua, primeira vez iha oportunidade atu fahe esperiénsia no relevánsia programa nian kona-ba situasaun iha Timor Leste atu elimina violénsia kontra feto no labarik feto,” nia subliña.
Durante tinan rua realidade iha mundu tomak, esperiénsia Covid-19 iha Timor Leste difisil tebes. Maibé nia dehan, agora iha oportunidade sosiedade sivil atu fahe esperiénsia iha programa Spotlight.
“Pesoalmente haksolok tebes ba partisipasaun grupu sira hotu husi munisípiu Ermera, Vikeke, Bobonaru. Ha’u hakarak fo agradesimentu ba Spotlight nia grupu referénsia nasional sosiedade sivil sira ema voluntáriu ne’ebé fo ideias no diresaun ba Spotlight,” nia dehan.
Nune’e membru sira iha nivel munisípiu hanesan Bobonaru,Vikeke, Ermera, kona ba parte importante tanba sira haforsa ligasaun ho autoridade lokal no parseria sira no sira ne’ebé partisipa programa Spotlight nia atividade iha munisípiu.
Iha fatin hanesan Espesialista ba Programa Spotlight, Kathryn Robertson katak atividade ne’e mosu husi insiativa Spotlight atu hapara violénsia kontra feto no labarik sira.
Tan ne’e Inisitiva Spotlight hetan ajuda Fundus husi Uniaun Europea(UE) no mos implementa husi agensia Organizasaun Nasoes Unidas(ONU) hamutuk Lima, parseiru mos ho Governu no Sosiedade Sivil sira iha Timor Leste, dadaun ne’e sira nia parseiru hamutuk Organizasaun 60.
“Ohin ita apresenta peskiza balu ne’ebé parseiru halo no esperiénsia husi programa tanba tanba programa Inisiativa Spotlight besik ona tinan rua tan ne’e iha oportunidade ba Sosiedade sivil sira atu apresenta esperiénsia kona ba ema ne’ebé margilizadu no mos krize ne’ebé ita hetan durante Pandemia covid-19 no inundasaun,” Koordenador Kathryn dehan.
Nia informa tan, sira iha kontratu ho Drains hanesan parseiru liu 20 no parseiru ho Organizasaun Sosiedade Sivil (SS) liu 40 sira mos servisu hamutuk ho governu ne’e hanesan fundus no suporta teknikais liu husi governu no sosiedade.
“SS sira apresenta peskiza ida kona ba esperiénsia ho lei kontra violénsia doméstika husi neeba ema balu sei falta informasaun kona ba lei no sistema Judisional nian,”Nia afirma
Nune’e dalaruma ema preferensia atu uza sistema Judisional nee hatudu katak sei presija fahe informasaun ba ema iha komunidade no presija reforsa instituisaun polisia nia atu sira bele serve Sobrevivente diak.
No mos husi inisiativa Spotlight atu ajuda polisia sira nia servisu tanba importante tebes ba komunidade sira hodi fo asistensia no suporta nakloke atu simu vítima ka Sobrevivente tanba ema barak nunka fo sai ba polisia ka sistema formal.
Tan ne’e Kontinuasaun Spotlight iha investimentu boot atu ajuda Organizasaun ne’ebé servisu kona ba hapara Violénsia kontra feto no labarik feto hanesan esforsu Organizasaun sira nian hodi fo treinamenti kona ba Finansas no manazamentu organizasaun halo relatoriu no proposta atu aban bainrua sira bele halo aproximasaun ba doador no mos hetan konfiansa husi Doador sira.
“Ami mos fo treinamentu ba ema iha komunidade atu ajuda ema hanesan NGO pradeep no world Vision apresenta kona ba komunidade base Volunteer ami mos servisu ho rede barak ne’ebé mak estabelese,” nia relata
637 total views, 3 views today
Bele hare Video Seluk :
Subscribe to Timorpost
