ADVERTISEMENT

KOMJER La Hatene Motivu Membru PNTL Tiru Mate Joven Iha Baukau

Timor Post - Dili
  • Share
Portavoz Komandu Jerál Polísia Nasionál Timor-Leste (PNTL), Superentendente Xefe Arnaldo de Araújo

(Jornalista Jaime Pires/Editor Suzana Cardoso)

DILI (Timor Post) – Komandu Jerál Polísia Nasionál Timor-Leste (KOMJER), liuhusi Portavós Superintendente Xefe, Arnaldo de Araújo, seidauk hatene motivu husi membru (PNTL) tiru mate joven ida iha Munisípiu Baukau.

ADVERTISEMENT
SCROLL FILA BA NOTISIA


Tuir Arnaldo ba Jornalista sira liuhusi konferénsia imprensa ne’ebé mak realiza iha, Komandu Jerál Polísia Nasionál Timor-Leste, Kaikoli Kuarta (04/11).

“Motivu tanba saida mak kazu ne’e mosu ita seidauk hatene, tanba ekipa investigadór sei halo investigasaun no ohin ekipa (PNSIK) iha Komandu Jerál ba ona Baukau hamutuk ho investigadór iha Baukau, hodi bá buka tan informasaun hodi rekolla tan evidénsia balun”, nia esplika.

Lee Mós :
Joven Timoroan Barak Problema ho Empregu

Arnaldo deklara, suspeitu hanesan membru PNTL ho naran inisiál FCS ne’ebé mak tiru mate joven na’in ida no hakanek ida ne’e, daudaun iha ona sela detensaun Komandu PNTL Munisípiu Baukau, tanba iha momentu ne’ebá kaptura ho fragalante delitu.

Lee Mós :
PN Simu Karta Hasai Imunidade Deputadu Arão Noe

Nia aumenta, Vítima ho naran inisiál NC ne’ebé mak mate, iha momentu ne’ebá lori kedas mai iha HNGV hodi halo prosesu autópsia, nune’e Vítima kanek ne’e ho naran inisiál  DFNF.

Komandante ne’e dehan, Vítima mate ne’e ho idade (21), hela fatin iha Seisál, nune’e Vítima kanek ne’e hela fatin iha Samalari hanesan estudante.

“Atu hatete tan katak, kazu ne’e la involve entre arte marsiais, maibé motivu ita seidauk hatene, hein prosesu investigasaun mak ita foin hatene los nia motivu ne’e oinsá”, nia dehan,

Lee Mós :
Portugál ho Timor-Leste Reforsa Servisu Seguransa Sosiál

Enkuantu kazu ne’e akontese iha Suku Samalari, Postu Administrativu Baukau Vila, Munisípiu Baukau iha loron Segunda (01/11) maizumenus tuku hitu kalan.(***)

 799 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “KOMJER La Hatene Motivu Membru PNTL Tiru Mate J…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No