ADVERTISEMENT

Reitór Rekoñese Joven Ida Mate iha Likisá Estajiáriu UNPAZ, Polísia Deteta Lanu

  • Share
Imajen ne'e hatudu komunidade sira ba haree matebian iha fatin akontesimentu. Foto Espesial

DILI (Timor Post)—Reitór Univesidade da Paz (UNPAZ), Adolmando Amaral rekoñese joven mane ida ho naran Carmonízio da Silva Gomes Amaral mate iha área Pilila, Munisípiu Likisá,  Domingu kalan (25/10/2021) maizumenus tuku 00:25, nu’udar estudante estajiáriu.

Matebian Carmonízio da Silva Gomes Amaral husi Suku Luka, Munisípiu Vikeke mate ho kondisaun molik latan hela iha fatuk laran tasi ninin área Pilila.

ADVERTISEMENT
SCROLL FILA BA NOTISIA
Lee Mós:
BNCTL Abranje Tan Nia Sukursál Ida Iha EDTL Kaikoli

Ba Timor Post, Reitór Adolmando haktuir, matebian nu’udar estudante husi departementu saúde públika ho nia kolega sira universidade  koloka ba estájiu hela iha Suku Maumeta, maibé matebian hala’o viajen la husu lisensa ba nia xefe grupu.

“Ohin, fakuldade saúde públika, dekanu ho estrutura ba akompaña iha mortuáriu halo autópsia. Ita hein katak ne’e murni kecelakaan ka oinsá depois mak ita hatene,” Reitór hatete.

Lee Mós:
SEFOPE Fó Tan Kontratu ba Traballadór Na’in 59 ba Servisu iha Korea Súl

Entretantu Komandante Munisípiu Likisá, Superintendente Umbelina dos Santos Soares haktuir, nia parte halo ona identifikasaun ba matebian no prosesu legal la’o dadauk.

“Matebian refere hodi kalan iha sede suku Maumeta mak nia sa’e fali ba Aldeia Maumetalau ba nia maluk estájiu sira i foti nia kolega nia motor Mio Beat kór mean-mutin,” Komandante Umbelina haktuir.

Nia hatutan, matebian nia objetivu viajen husi Likisá ba Dili maka iha dalan klaran hetan asidente. No bazeia ba investigasaun matebian lanu.

Lee Mós:
Harii Média Presiza Hatene Lei KomSos

Hatan ba Timor Post kona-ba matebian latan iha fatin akontesimentu laiha roupa, Komandante Umbelina hatete, investigasaun la’o hela. (cao)

 255 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Reitór Rekoñese Joven Ida Mate iha Likisá Estaj…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: