ADVERTISEMENT

Hafoin husu Tulun ba Líder Nasionál sira iha Dili, Padre Ferdinand Hakotu Iis iha Filipina

  • Share
Padre Ferdinand Resuena

DILI (Timor Post)—Padre Ferdinand Resuena nu’udar sidadaun Filipina hakotu iis iha nia rain hafoin liuhusi vídio iha fulan hirak liu ba saserdote ne’e husu tulun ba líder nasionál sira atu evakua sai husi Dili.

Iha vídeo ne’ebé sai viral, Padre Ferdinand toba hela iha kama leten haree isin fraku tebes. Nia husu tulun ba líder nasionál sira, temi naran Kayrala Xanana Gusmão, Taur Matan Ruak, Francisco Guterres Lú Olo no Aniceto Guterres.

Liu loron hirak nia laran Padre Ferdinand konsege hetan evakuasaun ba Filipina hodi hala’o tratamentu maibé ikus rona notísia triste.

Reitór ICR, Padre Crisostomo Salar Jr ba Timor Post haktuir, simu ona informasaun katak Padre Ferdinand hakotu iis iha loron Kinta (14/10/2021) maizumenus tuku sanulu dader oras Filipina nian.

Lee Mós:
Kompañia Santos Planu Fura Mina Matan-Tolu iha Tasi Timor

“Sim, Padre  mate tiha iha Filipina. Padre moras komplikadu ne’e maka lori ba Filipina, to’o iha ne’eba karik labele ona mak hanesan ne’e. Moras ne’e karik doutór sira mak hatene, maibé komplikadu,” Padre Crisostomo via telefone ba Timor Post.

Padre Ferninand husi kongregasaun SVD (Societas Verbi Divini). Tinan barak hala’o misaun iha Timor Leste, iha Maliana no Vikeke-Uatulari no kna’ar ikus nu’udar Xefe Departementu Formasaun Professores iha Instituti Ciência Religiosa São Tomas de Aquino (ICR). (cao)

 272 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Hafoin husu Tulun ba Líder Nasionál sira iha Di…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: