ADVERTISEMENT

Hapara Kontratu, Traballadór Portu Tibar Halo Asaun Kontra Kompañia China Harbour

- Dili
  • Share
Foto Espesial

DILI (Timor Post)—Traballadór iha konstrusaun Portu Tibar fó solidariedade ba malu hala’o asaun kontra desizaun kompañia China Harbour Engineering Company (CHEC) tanba hapara sira nia maluk na’in-15 ho rajaun la klaru.

Sasin ne’ebé akompaña direta asaun ne’e, Agripino Marcal haktuir, traballador sira iha Portu Tibar hotu-hotu tún ba halo asaun tanba sente katak desizaun hanesan husi kompañia CHEC ba sira nia maluk 15 sei akontese mos ba sira iha futuru.

ADVERTISEMENT
SCROLL FILA BA NOTISIA


Lee Mós :
Produtu Lokál Folin iha Merkadu Tradisionál Lesidere

“Loron hirak ne’e sira koko konfirma ho kompañia maibé kompañia la kopera ho di’ak maka ohin, traballadór sira halo asaun,” Agripino haktuir ba Timor Post via telefone, Kuarta (13/10/2021).

Agripino haktuir, traballadór sira konsiente katak kompañia iha direitu atu termina sira nia kontratu maibé tenke bazeia ba lei trabaladór.

“Traballadór sira ne’e servisu hahú husi tinan 2019 to’o agora,” Agripino dehan.

Lee Mós :
Suspeitu Kazu Na’ok Motor Aumenta Tan Ema Na'in-2

Pontu hirak ne’ebé traballadór sira hatoo no ezije nia solusaun maka, husu kompañia selu sira nia indiminizasaun tuir artigu 55 lei traballadór; direitu sertifikasaun; husu kompañia responsabiliza ba medida koa saláriu ba impostu tanba tuir lei impostu, traballadór  ida selu impostu bainhira nia saláriu $500 ba leten; direitu ba bônus annuál, lisensa annuál, over time no direitu seluk ne’ebé traballadór sira ezije kompañia tenke toma responsabiliza.

Relasiona ho asaun ne’e parte Sekretáriu Estadu Formasaun Profesional no Empregu (SEFOPE) ho Sindikatu Traballadór Timor Leste tún direta ba fasilita ona mediasaun entre traballadór ho kompañia CHEC.

Lee Mós :
Konfronta Iha Surikmas, PNTL Asegura Ona Suspeitu Na'in-Rua

To’o notísia ne’e públika Timor Post seidauk konfirma ho parte kompañia CHEC no autoridade kompetente sira inklui SEFOPE.  (cao)

 1,396 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Hapara Kontratu, Traballadór Portu Tibar Halo A…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No