Jornalista Jaime Pires / Editór Noémio Falcão
DILI (Timor Posta) — Klínika Polísia Nasionál Timor-Leste (PNTL) rejistu moras Infecção Respiratória Aguda (IRA) aas liu kompara ho moras seluk.
Porta-Vóz PNTL, Superintendente Xefe Arnaldo de Araújo ba Jornalista sira liuhusi konferénsia imprensa ne’ebé realiza iha Komandu Jerál Kaikoli, Dili, Tersa (12/10/2021) haktuir, moras seluk ne’ebé klínika ne’e rejista tuir maka tensaun no seluk tan.
Klínika PNTL halo atendimentu ba membru sira hotu inklui sivíl sira ne’ebé hala’o servisu administrasaun, lojístika, hamoos foer no jardineiru sira.
Tuir planu, iha fulan oin komandu loke klínika mobile iha territóriu hodi halo tratamentu rútina ba membru sira hotu.
“Fulan Novembru sei halo klínika mobile ba iha PNTL munisípiu hamutuk 12, hodi halo chek-up ba nia membru sira ne’ebé mak moras hodi halo tratamentu ne’ebé mak di’ak liután,” Komandante Arnaldo subliña.
Kona-ba fasilidade saúde, Porta-Vóz ne’e haktuir, sei naton ba tendimentu fulan hirak tinan ne’e nia laran.
984 total views, 3 views today
Bele hare Video Seluk :