Ministru Administrasaun Estatál Miguel de Carvalho akompaña hosi Administradór Munisipi Manufahi, Corpo Diplomátiku no Entidade Munisípiu Manufahi. Foto TP/Luis Casimiro
MANUFAHI (Timor Post)-Ministru Administrasaun Estatál (MAE) Miguel Pereira de Carvalho hateten, programa Uma Kbiit Laek (UKL) ba Ema Kbiit Laek (EKL) ne’e Programa Nasionál Dezenvolvimentu Suku (PNDS) emprega traballadór kuaze besik 29 mill.
“Traballadór sira ne’e ita seidauk konta ho projetu PNDS regular, projetu reabilitasaun sede suku, projetu bee mós, irrigasaun, reabilitasaun postu saúde, reabilitasaun no seluk-seluk tan”, dehan, Miguel iha Same, Segunda (04/10) hafoin halo inaugurasaun uma UKL iha suku Hola rua.
Nia hateten, ba programa PNDS ninian tomak tau hamutuk trabalhadores hamutuk kuaze iha 50 mill traballadora.
“Maibé iha situasaun ida defisil ita nia nasaun iha hela krize ekonomia iha situasaun Serka Sanitáriu (SS) maibé ho programa PNDS ninian fó benefisiáriu diretamente retornu ekonomia ba populasaun iha area rurais”, nia dehan.
Molok hakotu governante ne’e mós sita setór privadu ne’ebé fornese material ba konstrusaun uma UKL ne’e hamutuk 424. (lcl)
1,080 total views, 3 views today
Bele hare Video Seluk :