Estajiáriu MJ2 / Editór Noémio Falcão
DILI (Timor Post)—Diretór Jerál Servisu Rejistu Notariadu (SRN), Crisogno da Costa Neto, hatete mákina imprime Billete Identidade (BI) iha munisípiu lima aat ona no daudaun ne’e iha prosesu manutensaun.
Crisogno da Costa Neto, hatete, nia parte hato’o ona peditu manutensaun ba Ministériu Justisa hodi solusiona mákina ne’ebé aat iha munisípiu tolu mak hanesan Munisípiu Lautem, Baukau, Manatutu, Bobonaro no Ermera.
“Mákina hirak-ne’e aat iha fulan hirak liu-bá no tékniku-sira lori ona mai iha nasionál. Ami hato’o ona pedidu ba Ministéru Justisa hodi halo aprovasaun atu bele loke konkursu ba kompañia hodi bele hadi’a ka halo manutensaun,” Crisogno haktuir.
Nia informa, ministru justisa hatún despaxu ba unidade desentralizasaun aprovizionamentu, ba kompañia ne’ebé mak bele fornese manutensaun ba mákina refere.
“Primeiru anúnsiu la iha kompañia ida mak interese atu fornese servisu ne’e, mais agora loke tan fali konkursu, kompañia balun karik iha interese bele apply no bele hatama proposta para bele halo manutensaun,” Diretór Crisogno ba Timor Post iha nia knaar fatin, Kinta (23/09/2021).
Crisongo haktuir, durante mákina iha munisípiu hirak ne’e aat, parte sira husi Lautem, Baukau no Manatutu provizoriamente ba imprime iha Dili no Bobonaro no Ermera ba imprime iha Likisá. (Lee notísia seluk iha Jornal Timor Post)
724 total views, 3 views today
Bele hare Video Seluk :
Subscribe to Timorpost
