Estajiáriu MJ2 / Editór Noémio Falcão
DILI (Timor Post)— Dadur hamutuk 103 iha Prizaun Bekora, Dili hetan liberdade kondisionál tanba bazeia ba avaliasaun husi autoridade prizional ho rekomendasaun sira no desizaun tribunál, sira goza direitu ida ne’e.
Diretór Prizaun Becora, João Domingos, haktuir, dadur sira hetan liberdade kondisional tuir dadus rekapitulasaun hahú husi fulan Janeiru to’o Setembru 2021.
“Ita halo rekapitulasaun hahú iha loron 01 fulan Janeiru to’o loron 21 fulan Setembru iha tinan 2021,” Diretór João informa ba Jornalista sira iha nia kna’ar fatin, Kuarta (22/09/2021).
Nia hatutan, husi númeru refere, sira ne’ebé liberdade no prizaun premitiva na’in-23, liberdade husi prizaun konenandu na’in-79 no na’in-1 tribunal fo liberdade ho medias siguransa.
Iha oportunidade Diretór João haktuir, dadur sira iha Prizaun Bekora maioria komete krime omesídiu, tuir fali krime seksual.
Diretór João esplika kona-ba prosesu to’o dadur sira hetan liberdade kondisionál, liuhusi Departamentu Reinsersaun Social Kriminolojia (DRSK) nia monutorizasaun maka halo rekomendasaun ba tribunál foti desizaun.
“Ita ko’alia kona-ba liberdade, liberdade ne’e iha buat rua, ida mak dadur iha prosesu nia laran no ida fali mak liberdade kondisional,” nia esplika.
Liberdade ema dadur iha prosesu nia laran mak hanesan, iha ninia jurídiku penal, prizasaun premetiva seidauk hetan desizaun, balun iha liberdade kuandu laiha provas maibé ida ne’e servisu Tribunal no Ministeriu Publiku nian.
Liberdade kondisional ne’e mak hanesan ema dadur ida, nia hahalok di’ak no kompartamentu di’ak tuir lei konstituisaun penal, mak parte hosi prizaun apresenta ba tribunal uza a favor bele fo livredade kondisional.
Diretór João mos haktuir, iha Timor Leste, dadur sira ne’ebé hetan ona liberdade, uitoan de’it maka komete fali kazu hanesan. Kompara ho nasaun seluk, Timor Leste seidauk rejista ema to’o na’in-40. (Lee notísia seluk iha Jornal Timor Post)
696 total views, 3 views today
Bele hare Video Seluk :
Subscribe to Timorpost
