ADVERTISEMENT

Rajaun Rua Implika Ró Haksolok Seidauk Bele Mai Timor, Arsenio Bano halo Promesa Foun

  • Share
Prezidente Autoridade Rejiaun Administrativu Espesial Oe-Kusi Ambenu (RAEOA), Arsenio Paixão Bano. Foto TATOLI

Jornalista Jaime Pires / Editór Noémio Falcão

DILI (Timor Post)—Prezidente Autoridade Rejiaun Administrativu Espesial Oe-Kusi Ambenu (RAEOA), Arsenio Paixão Bano fó rajaun rua ne’ebé implika nia promesa kona-ba konstruksaun Ró Haksolok seidauk bele mai Timor Leste.

ADVERTISEMENT
SCROLL FILA BA NOTISIA

Rajaun rua ne’e maka atake COVID-19 no natureza negosiasaun.

Ba Jornalista sira iha Ministériu Finansas, Aitarak-Laran, Dili, Sesta (10/09/2021) hafoin aprezenta despeza RAEOA nian iha Orsamentu Jerál Estadu (OJE) 2022 nian bá Komisaun Revizaun Orsamentu Polítika (KROP), Arsenio klarifika, nia parte ezekuta ona osan ba konstruksaun Ró Haksolok hamutuk rihun $135 husi orsamentu millaun $14 ne’ebé Parlamentu Nasionál aprova iha tinan fiskal 2021.

Lee Mós:
Família Defende Mate La’ós Tanba Vasina

“Uluk ha’u dehan se ita konsege aruma iha tinan ida ne’e ita sei aruma, maibé natureza COVID-19 no natureza negosiasaun, ha’u bele ko’alia iha susesu primeiru ita halo tiha ona mak ita kontrola tomak ona investimentu Ro Haksolok, no agora atu tama ba haree nia finalizasaun atu ró ne’e lori mai,” Arsenio hatete.

Nia subliña, osan ne’ebé sei iha gasta kuandu nia progresu ne’e la’o maibé kuandu seidauk gasta entaun progresu servisu mós sei la’o neineik.

Lee Mós:
Assanami Triste Joven Barak La Vota

“Tanba ne’e mak ha’u hatete, ita la gasta arbiru tanba ita mak kontrola tomak ona estaleieru iha Portugál atu halo finalizasaun ba Ró Haksolok,” nia hatutan.

Antes ne’e nia promete atu lori Ro Haksolok mai Timor iha tinan 2021, maibé tanba rajaun hirak iha leten maka implika.

“Maibé ha’u promete Ro Haksolok tenke mai tanba ida ne’e propriedade Oe-Kusi nian, se tinan ida ne’e la mai ha’u hanoin tinan oin sei iha mudansa boot, tinan ida ne’e mudansa signifikativu mak ita konsege kontrola sósiu tomak estaleieru tomak ba Ró Haksolok ninian,” Arsenio afirma.

Lee Mós:
Mákina Imprime Billete Identidade Aat

Entretantu sosiedade sivíl no opozisaun sira kontinua ejize responsabilidade ba konstruksaun Ró Haksolok ne’ebé prosesu la’o dezde eis Prezidente RAEOA, Marí Alkatiri. (Lee notísia seluk iha Jornal Timor Post)

 408 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Rajaun Rua Implika Ró Haksolok Seidauk Bele Mai…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: