Jornalista Jaime Pires / Editór Noémio Falcão
DILI (Timor-Post)—Diretór Ezekutivu Servisu Autónomu Medikamentu no Ekipamentu Saúde, Santana Martins informa, despeza ba nia parte iha Orsamentu Jerál Estadu (OJE) tinan fiskal 2022 millaun $29.
Santana klarifika, husi total orsamentu ne’e bele responde ba Planu Estratéjia Ministériu Saúde (PEMS) nian kona-ba prepara aimoruk ba kada sidadaun iha territóriu dolar tolu sentavus rua nulu ($3.20).
“$29 milloes atu korresponde de’it ba planu estratéjia ministériu saúde katak ema ida iha direitu ba dolar-tolu-sentavus-rua-nulu ba iha ita ninia kompras medikamentus,” Santana subliña ba Jornalista sira iha Ministériu Finansa, Aitarak-Laran, Dili, Sesta (10/09/2021) hafoin aprezenta planu ba Komisaun Revizaun Orsamentu Polítika (KROP).
Maske nune’e, Santana dehan, tetu fiskál ne’ebé mak ministériu finansas fó ba SAMES iha de’it millaun $7.9. Nune’e, nia salienta, SAMES tenke halo fali re-ejersísiu hodi halo ajustamentu.
“Ohin SAMES avansa ho proposta adisional ida atu nune’e bele responde situasaun difisil agora dadaun ne’e ita propoin tan tres-milloes-ital atu bele korresponde ba kompras medikamentu balun liuliu liga ba item sira hanesan oksizéniu no seluk tan,” Santana hatutan. (Lee notísia seluk iha Jornal Timor Post)
783 total views, 3 views today
Bele hare Video Seluk :