(Jornalista Jaime Pires/Editor Suzana Cardoso)
DILI (Timor Post) – Tanba afeita Covid-19 maka Primeiru Ministru Taur Matan Ruak halo Autoizolamentu iha uma.
“Ita nia primeiru ministru auzente tan dala ida tanba moras. Maibé iha ona rekuperasaun ne’ebé di’ak.No iha teste ne’ebé mak halo señór Primeiru Ministru pozitivu Covid no Autoizolamentu iha uma.”
Haktuir Prezidensia Konsellu Ministru (MPKM), Fidelis Leite Magalhães ba jornalista hafoin intervallu reuniaun Konsellu Ministru iha Ministériu Finansas, Aitarak Laran Kuarta (01/09).
Nune’e katak MPKM Fidelis, Primeiru Ministru Taur Matan Ruak sei kumpri rekomendasaun sira ne’ebé mak hato’o husi pesoal saúde sira.
“Maibé Primeiru Ministru mós kumpri hotu rekomendasaun sira ne’ebé mak pesoal saúde hato’o atu halo tuir karik Primeiru Ministru hakarak hetan saúde ne’ebé di’ak fila fali,” hatutan MPKM Fidelis.
Enkuantu Deskonfia Primeiru Ministru (PM) Taur Matan Ruak infetadu Covid-19, iha semana kotuk kedas. Tanba iha reuniaun Konsellu Ministru (KM) ne’ebé mak realiza iha loron Kuarta, semana kotuk iha Palásiu Governu ne’e mós nia la partisipa.(Lee notísia seluk iha Timor Post)
716 total views, 3 views today
Bele hare Video Seluk :