ADVERTISEMENT

KO Trava Atividade Graduasaun UNTL

  • Share
Samuel Freitas

Jornalista Jaime Pires / Editor Noémio Falcão

DILI (Timor Post)- Governu liuhusi reuniaun Konsellu Ministru deside impoin Konfinamentu Obrigatoriu (KO) iha Munisípiu Dili, trava tiha atividade Graduasaun Universidade Nasionál Timor Lorosa’e (UNTL) ne’ebé mak tuir planu sei realiza aban, Sesta (27/08/2021).

ADVERTISEMENT
SCROLL FILA BA NOTISIA


Vise Reutor UNTL, Samuel Freitas hatete, nia parte simu ona despaisu husi Ministériu Ensinu Superior Siésia no Kultura. Nune’e, atividade prezensiál mós suspende.

“Graduasu sira ne’ebé mak loos aban atu atu gradua ne’e sira mai husi tinan 2020 nia tanba iha momentu ne’ebá atu gradua situasaun pandemia sa’e maka’as entaun adia to’o agora”, dehan Nia iha nia servisu fatin, UNTL Liseu, kinta (26/08).

Lee Mós :
ME Diskute Projetu Konstrusaun Eskola iha TL

Nia subliña, entaun iha momentu ne’ebá konsege halo duni graduasaun liuhusi online maibé iha grupu ida hakarak no grupu balun lakohi entaun sira ne’ebé mak lakohi ne’e mak tuir planua aban atu gradua ne’e maibé suspende tan ona.

“Sira ne’ebé aban atu gradua ne’e loloos hamutuk (349) mak atu halo gradusaun, no husi departamentu Desportu nia kansela labele gradua tanba seidauk hetan akreditasaun”, tenik Nia.

Lee Mós :
13 Janeiru Eskola La'o Fali, Bandu Atividade Orientasaun

Nia dehan, husi totál graduasu sira ne’ebé mak atu gradua ne’e mai husi fakuldade neen, mak hanesan Agrikultura, Enginaria Siénsia Teknolojia, FEAH, Ekonomia Jestaun, Siénsia Sosiais,  Filozofia.

Reitor ne’e subliña, enkuantu ba fakuldade sira seluk laiha gradua enkuantu ba fakuldade medisina nia iha momentu tuir hotu kedas ona graduasaun liuhusi via online nia.

Atu hakotu nia dehan, tanba ne’e aban atu gradua ne’e kansela hikas tanba kumpre desizaun governu no despaixu husi Ministeriu Ensinu Superior Siénsia no Kultura nia despaixu ne’ebé mak hatun ona ba ensinu superior sira hotu.

Lee Mós :
Dulce Planeia Kapasita Joven ba Lian Korea no Frances

“Ita hare ba situasaun no desizaun sira ne’e hotu, kuandu governu deside bainhira mak hasai fali Konfinamentu Obrigatoriu iha Munisípiu Dili ita tau kedas prioridade hodi halo kedas graduasaun ba estudante sira ne’e”, Nia Hakotu.

 908 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “KO Trava Atividade Graduasaun UNTL” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No