ADVERTISEMENT

PDHJ Deteta Vasina AstraZeneca Kaixa Tolu Konjeladu

  • Share
Jesuina Maria Ferreira Gomes

DILI (Timor Post)Relasiona ho Ai-moruk AstraZeneca estragus iha Hospital Nasionál Guido Valadares (HNGV), Provedora dos Direitos Humanos e Justiça (PDHJ), Jesuina Maria Ferreira Gomes, husu ba Ministériu Saúde atu kontrola ba Hospital Nasionál, Setru Saúde no postu ho másimu hodi haree ai moruk sira ne’e.

Nia hatete, depois mosu notísia kona-ba vasina ne’ebé konjeladu, PDHJ nia ekipa monitorizasaun tun kedas ba Hospital Nasionál Guido Valadares, atu halo monitorizasaun, rekolla dadus no informasaun hosi jerente sira iha HNGV, atu buka tuir saida mak akontese loloos hodi estraga vasina sira to’o aat hotu ne’e.

ADVERTISEMENT
SCROLL FILA BA NOTISIA


“Hosi informasaun no dadus ne’ebé ami rekolla ne’e hatudu katak, iha Box ou kaixa tolu ne’ebé iha ai moruk AstraZeneca hotu loke kaixa ida primeiru deteta iha ampolas rua konjeladu, kaixa segundu mós hanesan ampolas rua mak konjeladu no kaixa ida ikus deteta iha ampolas ida mak konjeladu, tanba tuir OMS ne’e nia temperatura 2-8, maibé tanba rai iha jeleira la kontrola temperatura, entaun nia temperatura tun tiha ba iha  negativu sanulu (-10), tanba ne’e afeta ba ampolas balun ne’ebé mak konjela tiha ne’e”, dehan Jesuina Maria Ferreira Gomes, ba Timor Post iha nia knaar fatin, kuarta foin lalais ne’e.

Lee Mós :
HNGV ganha nova Unidade de Cuidados Intensivos Móvel

Provedora dehan, akontesimentu ne’e iha loron 10-15 fulan Juñu 2021, hanesan mistériu saúde fó sai ona.

Ho akontese sira hanesan ne’e husu ba ministériu saúde halo kontrola ba ai moruk sira haruka ba iha sentru vasinasaun sira, atu haree jeleira sira ne’ebé tau ai moruk ne’e kondisaun di’ak ka kondisaun aat, ida ne’e presiza haree.

Maibé antes ne’e pesoál saúde sira ne’e vasina ona ema hamutuk 770 hahú hosi loron 10-15 ne’e mak foin haree katak, ampolas balun ne’e konjeladu tiha ona, entaun sira kontaktu kedas ba OMS husu sira nia hanoin kona-ba vasina sira konjeladu ne’e atu halo nusa, maibé OMS dehan tenke hapara hotu, mas sira seluk ne’e OMS konsidera katak ho vasina ne’ebé mak temperatura la tuir padraun ne’e konsidera katak la iha efeitu.

Hosi informasaun preliminár no dadus preliminár ne’ebé mak PDHJ rekolla hatudu katak, iha akontese mal jestaun iha ne’ebá, liu-liu kona ba sistema kontrolu ne’ebé mak la efikás, tanba distribuisaun vasina to’o vasina ema ne’e, komesa distribui tau iha jeleira, loron ida loke dala rua, antes atu lori ba vasina ema, tenke check uluk vasina nia temperatura loos ou lae, botir di’ak hela ka lae, haree nia loron ne’e to’o bainhira, ida la konsege vasina hotu tenke lori fali ba rai iha fatin, la bele rai hamutuk ho ida ne’ebé seidauk uza.

Lee Mós :
Espasu HNGV La Sufisiente, MS Tenke Reforsa Hospital Rejional

“Akontese ida ne’e tanba ita nia pesoál sira ne’ebé mak responsavel ba asuntu ne’e mak la halo kontrolu ho didi’ak, tuir informasaun PDHJ hetan katak, sira uza sistema manual no uza mós dijitál, rua ne’e tenke han malu, dijitál ne’e sira iha ekipamentu própriu ida, tau tiha jeleira liga ba komputadór mak sira check de’it iha komputadór ne’e, sistema kontrolu la efikásia, tanba programa ne’e ema sira responsavel tenke iha koñesimentu kona-ba oinsá atu rai vasina sira ne’e ho didi’ak, tanba ne’e responsavel sira tenke tuir formasaun”, nia dehan.

Lee Mós :
𝗥𝗲𝘇𝘂𝗹𝘁𝗮𝗱u S𝘄𝗮𝗯 I𝗵𝗮 𝗗𝗶𝗹𝗶 92% 𝗩𝗮𝗿𝗶𝗮𝗻𝘁𝗲 𝗗𝗲𝗹𝘁𝗮

Nia haktuir, informasaun detallu PDHJ hein hela investigasaun, tanba primeiru ministru hatún orientasaun ba iha inspesaun jerál estadu, agora halo hela investigasaun, PDHJ iha koordenasaun, komunikasaun atu hare suntu ne’e, ne’ebé semana oin sira konklui relatóriu ne’e.

“Ne’e ita akompaña media sosiál fó sai, PDHJ nia monitoriza ne’e halo iha estadu emerjénsia haree mós ba asuntu sira ne’e, liu-liu ba ema nia direitu saúde, direitu ba vida, monitoriza ne’e direita ba treinu no mós bele liu media sosiál, tanba ita la iha rekursu sufisiente atu to’o iha ne’ebá, ne’ebé sempre rejistu preokupasaun sira ne’e, sempre akompaña akontese kazu ruma ami sempre rejistu, fulan- fulan iha relatóriu implementasaun ba estadu emerjénsia ami hakerek iha ami nia relatóriu, saida ami rekomenda ba governu, asaun saida mak governu foti atu hadi’a situasaun ne’ebé akontese”, nia hakotu. (mj2)

 1,576 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PDHJ Deteta Vasina AstraZeneca Kaixa Tolu Konje…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No