ADVERTISEMENT

Timoroan Na’in-113 Kumpri Kuarentena no Sei Multa $28,250

  • Share
Luis Soares Barreto

Jornalista Jaime Pires / Editór Noémio Falcão

DILI (Timor Post)—Timoroan na’in-113 nu’udar membru arte marsiál Persaudaran Setia Hati Terate (PSHT), ne’ebé Polísia Repúblika Indonézia (POLRI) kaptura iha Atambua iha semana kotuk deportadu no kumpri kuarentena iha rai laran.

ADVERTISEMENT
SCROLL FILA BA NOTISIA

Hafoin kumpri kuarentena, autoridade migrasaun prega multa ba sidadaun hirak ne’e kada ema $250, sura hamutuk ema na’in-113 totál osan $28.250.

Regra hirak ne’e aplika tanba sidadaun hirak ne’e ilegalmente ultrapasa fronteira ho objetivu ba hasa’e sintu ka sabuk iha Atambua. No hafoin kaptura, autoridade Repúblika Indonézia deporta mai Timor Leste iha loron Tersa (10/08/2021).

Lee Mós:
Kompañia 120 Maka Taka Ona, Heineken Despede Traballadór Na’in-18: Deputada CNRT Preokupa

Ba Jornalista sira Diretór Jerál Servisu Imigrasaun, Luis Soares Barreto hatete, nia parte simu ona sidadaun hirak ne’e no hatama kedas kuarentena hodi prevene moras daet COVID-19 ho variante Delta.

“Depois kuarentena prosesu migrasaun nian sei halo prosesu administrativu ba sira hodi selu multa ba migrasaun nia no mós dekreutu lei estadu emerjénsia dekretu governu númeru 18/2021 ninia hodi fó sansaun multa ba sira,” Luis ba Jornalista sira iha nia servisu fatin, Vila-Verde, Kuarta (11/08/2021).

Lee Mós:
Ministru Abel Lekar Hahalok Emprezáriu Nasionál

Nia aumenta, depois multa sira sei entrega fali ba iha polísia investigasaun nasionál hodi halo prosesu kontinuasaun ba asaun sira ne’ebé mak iha, ne’ebé kompetensia sei iha parte investigasaun mak sei halo prosesu kontinuasaun.

“Ami foti ona desizaun katak sei fó sansaun multa masimu ba sira, kada ema ida sei selu multa ba Imigrasaun ho dólar $250 entaun hamutuk 113 ne’e sei selu montante hamutuk dólar $28,250 sira selu mai governu liuhusi Imigrasaun”, Nia deklara.

Lee Mós:
Traballadór Timoroan 111 Preparadu ba Korea do Súl

Nia aumenta, fó sansaun todan ka selu montante boot tanba, Timor-Leste implementa estadu emerjénsia no iha parte fronteira sei locdown hela maibé sira ho ilegalmente sai ba Atambua entaun sira dezibedese ba desizaun governu ninia ne’ebé mak hasai ona liuhusi konsellu Ministru. (Lee notisia seluk iha Jornal Timor Post)

 205 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Timoroan Na’in-113 Kumpri Kuarentena no Sei Mul…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: