Sei Retiru Kada Fulan Kona-ba Progresu no Dezafiu

Jornalista Jaime Pires / Editór Noémio Falcão

DILI (Timor-Post)—Governu daualu lideradu Primeiru Ministru Taur Matan Ruak, sei halo retiru kada fulan hodi deskuti kona-ba progresu no dezafiu durante tinan 2021. Nune’e, identifika problema sira hotu hodi buka solusaun.

Ministru Prezidénsia Konsellu Ministru, Fidelis Leite Magalhães afirma, governu ida ne’e maske hasoru dezafiu oioin maibé iha progresu barak ne’ebé atinji liuliu resposta emerjénsia sira ba populasaun.

“Oinsá atu hetan solusiona ba problema ka dezafiu sira ne’ebé mak hasoru durante ne’e,” Fidelis hatete ba Jornalista sira hafoin retiru iha edefísiu Ministériu Finansas, Dili semana kotuk.

Fidelis dehan, retiru ba loron ne’e ko’alia liuliu kona-ba resposta governu nian ba vítima inundasaun 4 Abril iha progresu. Nune’e mós apoiu suplementu remunetóriu ba líña frente ba kombate moras daet COVID-19.

Retiru hetan partisipasaun másimu husi membru governu, autoridade sira husi institutu públiku sira no lidera diretamente husi Primeiru Ministru Taur Matan Ruak.

 785 total views,  3 views today

Oinsa Ita nia Reaksaun iha Notisia Nee?

You have reacted on “Sei Retiru Kada Fulan Kona-ba Progresu no Dezafiu” A few seconds ago

Subscribe to Timorpost

Sorry, there was a YouTube error.