ADVERTISEMENT

Membru UPF Fasilita Sidadaun Ba Sa’e Sabuk Sei Iha Investigasaun

Timor Post - Bobonaro · Nasionál
  • Share
Komandante Unidade Patrolliamentu Fronteira (UPF), Superentendente Polísia Euclides Belo lori jornalista ba hare diretamente dalan ne'ebé sidadaun timoroan na'in 11 hakat liu ba. (Foto TP/Jaime Pires)

(Reportájen Jaime Pires/Editor Suzana Cardoso)

Bobonaru (Timor Post)- Membru Unidade Patrolliamentu Fronteira (UPF) ne’ebé deskunfia fasilita sidadaun sira hakat illegal ba sa’e sintu iha Indonezia sei iha prosesu investigasaun nia laran.

ADVERTISEMENT
SCROLL FILA BA NOTISIA

“Hodi kalan servisu kordenadu entre PNTL (Polisia NAsional Timor-Leste) Munisípiu Bobonaru hamutuk ho unidade UPF, BOP no COE destakadu hamutuk iha postu Memo hodi kaptura sidadaun na’in 11.”

Lia fuan hirak ne’e kasu husi Komandante Unidade Patrolliamentu Fronteira (UPF), Superentendente Polísia Euclides Belo ba jornalista iha nia servisu fatin Kuartel UPF, Batugade Postu Administrativu Balibó, Munisípiu Bobonaru, Sabádu (07/08/2021).

Lee Mós:
Pozisaun Xanana Provoka Pro-Kontra, “Responsabilidade Lú Olo”

Nia hatete, sidadaun timoroan nain 11 ne’ebé kaptura iha Sabadu, (7/8/2021) madrugada ne’e halo ona prosesu investigasaun iha Komandu PNTL Munisípiu Bobonaru.

Husi sidadaun timoroan nain 11 ne’e dehan Euclides, deskonfia ida husi membru UPF maka fasilita sidadaun sira ne’e hakat ilegal ba sa’e sabuk iha Indonézia.No membru UPF ne’ebé hetan deskunfia ne’e sei iha prosesu investigasaun nia laran.

“Kapturasaun sidadaun timoroan nain 11 ne’e, inklui membru UPF ida. Tanba tuir informasaun membru UPF nain ida mak fasilita hodi sira bele hakat liu fronteira. Sidadaun hirak ne’e nia objetivu ba par aba sa’e sabuk iha Indonézia,” tenik Euclides hodi hatutan.

Lee Mós:
Komandu PNTL Fó Fiar ba Alex Samurai Lidera Eskuadra Dom Aleixo

Membru UPF ida ne’ebé mak deskonfia ne’e fasilita hakat ba Indonezia nia prosesu investigasaun lao hela iha PNTL Munisípiu Bobonaru. Rezultadu investigasaun mak bele hatene klaru.

Tuir Euclides, tanba membru UPF ne’e mós kalan ne’e halo servisu nia ne’ebé orentasaun husi komandu. Maibé tanba servisu iha nakukun laran leno Lampra ne’e mak dehan nia fasilita.

“Maibé prosesu hotu sei la’o hela iha Komandu PNTL Munisípiu Bobonaru, sidadaun sira ne’e sira iha hela sela detensaun Komandu PNTL Bobonaru, enkuantu membru UPF ne’e sei hala’o hela nia servisu”, nia deklara.

Euclides deklara, karik membru ne’e mak komete duni sei fó sansaun no aplika prosesu dixiplinar kontinua tuir prosesu ne’ebé mak iha, maibé agora prosesu sira ne’e kontinua la’o.

Lee Mós:
Labarik ho Idade Entre 12-18 Hamutuk 37.509 Seidauk Simu Vasina Daruak

Fó hanoin fali katak, sidadaun hamutuk 11 ne’ebé mak BOb no COE kaptura ne’e hanesan sidadaun sidadaun baibain (9), membru UPF ida inklui sidadaun Indonézia na’in ida iha Suku Saburai Postu Administrativu Maliana Vila, Munisípiu Bobonaru, sabádu (07/08).(Lee notísia seluk iha jornál Timor Post)

 174 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Membru UPF Fasilita Sidadaun Ba Sa’e Sabu…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: