ADVERTISEMENT

Lockdown Signifika Estadu Hapara Ekonomia Rai Laran

Timor Post - Ekonomia
  • Share
Timor-Leste Bazar

DILI (Timor Post) Bainhira atu hamosu lockdown, presiza haree didi’ak aspetu sira, se lockdown signifika estadu no governu hapara ekonomia iha rai laran.

Hanoin ne’e hato’o hosi Padre Pároku Balidi, Graciano Barros dos Santos, ba Timor Post, Kuarta (28/07) foin lalais.

ADVERTISEMENT
SCROLL FILA BA NOTISIA


Tuir Amu, estadu emerjénsia, emerjénsia ema apoiu, tanba situasaun mundiál moras Covid-19 kontinua ameasa boot ba umanidade, em partikulár iha Timor-Leste pandemia ne’e sei sai ameasa.

“Nune’e ita apoiu ba estadu emerjénsia, agora ita haree didi’ak implementasaun serka sanitaria la’o, maibé ida konfinamentu obrigatóriu tenke haree took,” nia afirma.

Lee Mós :
Timor Leste Fraku iha Pilar Ekonomia

Iha lockdown no serka sanitaria ne’e, tenke haree ba mós situasaun sira seluk, haree ba problema sosiál no tau konsiderasaun ba aspetu sosiál sira seluk, la’ós haree de’it ba moras ida ne’e.Hanesan vida ekonomia família nian, estudante oan sira ne’ebé durante tinan rua la eskola, dehan eskola online maibé internet sira hotu lala’o, lala’o duni oan sira atu sai beik hotu ona.

Amu paroku ne’e rekomenda ba governu hodi haree ba aspetu família, edukasaun, ekonomia nasaun nian mós la la’o, dezenvolvimentu sira la la’o, ne’ebé estadu tenke konsidera hotu buat sira ne’e.

Lee Mós :
Taur Matan Ruak: Kampu Servisu  Rihun 60 Husik Hela ba Mehi

Amu lulik husu ba estadu no governu foti desizaun ida ne’ebé mak di’ak ba povu, agora ba parte fronteira mak ida ne’e, kabe ba seguransa sira mak atu kontrola maka’as ema sira movimentu iha fronteira, atu nune’e labele lori moras ida ne’e mai povu ida ne’e.

Husi parte seluk, bibi atan ne’e afirma, iha parókia balidi atividade sira fila fali ona, maibé sira tau nafatin regra sira ne’ebé mai husi OMS no ministériu saúde, hanesan uza máskara distánsia no mós fase liman beibeik.

Lee Mós :
WFP: Oekusi Okupa Númeru Dahuluk Ma-nutrisaun

Parókia garantia nafatin saúde ba sarani sira mak tenke kumpre regra sira ohin ne’e, dezinfeta fatin sira ne’ebé ita uza ne’e, prepara hand sanitizer iha igreja laran atu sarani sira tama tenke uza.

Laiha buat seluk ne’ebé ita bele halo, respeita ba regra sira ne’e, parókia nafatin mantein regra no kontinua nafatin atividade sira iha parókia tanba agora laiha konfinamentu obrigatóriu. (61L)

 

 829 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Lockdown Signifika Estadu Hapara Ekonomia Rai L…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No