ADVERTISEMENT

Maria Dadi Kontinua Lidera CNJTL,  Lú Olo Tau Fi’ar ba Joven sira

Timor Post - Jeral
  • Share

DILI— Prezidente atuál Concelho Nasionál Juventude Timor Lorosa’e (CNJTL), Maria Dadi Magno kontinua hetan fiar nafatin hosi kongresista sira atu nafatin assume kna’ar ba periodu 2020-2024.

Kongresista ne’ebé partisipa iha kongresu nasionál ba Dalimak (V) CNJTL hamutuk na’in-457 kompostu feto no mane hosi organizasaun masa no organizasaun rezisténsia juventude sira hotu.

ADVERTISEMENT
SCROLL FILA BA NOTISIA


Entretantu hosi númeru kongresista 457 ne’e iha kongresista 24 mak la ezerse sira nia direitu hodi hila Pakote A, Maria Dadi Magno no Pakote B, Juvinal Dias, nune’e kongresista sira ne’ebé mak ezerse sira nia direitu hamutuk 433, hosi númeru ne’e Nulu 3 signifika 430 votu mak konsidera legal.

Ikus kandidatu ne’ebé  eleitu iha eleisaun refere mak Pakote B ho total votu 304 no Pakote A 126 votu. Ho nune’e Maria Dadi Magno sai hanesan manan nain.

Lee Mós :
Aniceto Guterres compromete-se a levantar imunidade parlamentar de deputado ‘Kalohan’

Hafoin eleisaun prezidente eleitu periodu 2020-2024, Maria Dadi Magno ba Timor Post iha CCD-Dili, Sábadu (18/01) hatete, hanesan sombriña ba organizasaun hotu ne’ebé la inkilina ba kualkér organizasaun polítiku hodi defende nafatin nasaun doben ne’e.

“Hanesan organizasaun CNJTL ne’ebé mahon ba organizasaun hotu I ho karater independente nafatin kontinua atu ezerse nia papél liuliu atu konsolida unidade nasionál dezenvolve no defende rai doben Timor Leste,” Prezidente eleitu Maria Dadi Magno subliña.

Nune’e hatutan nia, hanesan organizasaun ne’ebé transforma hosi organizasaun rezisténsia Presidium Juventude Loriku Asuwa’in (PJLA) ho karater fundamentu maka sei hatutan no valores ita nia juventude sira ne’ebé determinante tebes fó vida to’o hetan Timor Leste ukun an.

Lee Mós :
Rítmu Vasina iha Timor Leste, Doador Internasional Neen

Entretantu ho fiar ne’ebé iha sai nafatin prezidente CNJTL kompromete prioridade maka strategy planning ba organizasaun durante tinan Lima nia laran I ohin ita define hosi strategy ne’ebé mak ita liga-ba politic nasionál juventude.

“De facto realidade ita nia situasaun ne’ebé sai problema boot ita hasoru maka grupu alvu-sia ne’e ida mak inklui juventude dezempregu, juventude ne’ebé moris iha risku nia laran I no mós juventude sira ne’ebé iha abilidade más la iha oportunidade atu espresa abilidade no juventude defisiénsia ho juventude iha area rural feto ho mane,” Katak nia.

Lee Mós :
Vendedores de coco queixam-se de atuação do Serviço Municipal de Gestão de Mercados

Hatete nia, ho situasaun sira ne’e kontinua CNJTL tenke sai parseria ne’ebé importante prinsipál I estratéjiku ba implementasaun polítiku nasionál juventude ne’e rasik.

Entretantu Prezidente Repúblika, Francisco Guterres Lú Olo iha nia diskursu hodi taka kongresu CNJTL subliña, nia fi’ar joven sira sira sei partisipa nafatin ba dezenvolvimentu nasionál país nian, sei kompromete nafatin hodi kombate hasoru kiak no dezigualdade hothotu.

“Hodi ita bele harii hamutuk Estadu ida ne’ebé ita-hotu mehi, Estadu ida ne’ebé ninia sidadaun sira moris ho haksolok.” Lú Olo subliña. (ato)

 677 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Maria Dadi Kontinua Lidera CNJTL,  Lú Olo Tau F…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No