DILI (Timor Post) —Hahu hosi tinan 2001 to’o fulan Juñu 2021 Diresaun Nasionál Transporte Terestre (DNTT) rejista transporte ne’ebé tama iha territóriu nasionál Timor-Leste hamutuk 219.854.
Diretór interinu DNTL, Nelson Sequeira Martins, relata DNTT rejista dezde inisiu 2001 to’o Juñu 2021 transporte ne’ebé tama iha territóriu Timor-Leste, karreta ho motorizada hamutuk 219.854, ba motorizada hamutuk 170.429 no ba karreta hamutuk 49.425 veíkulu ne’ebé tama mai, hosi numeru ne’e transporte husi estadu nian, karreta hamutuk 1.887 no motorizada iha 2.830.
Bainhira konfirma kona-ba dadus karreta at, dirijente ne’e hatan departamentu rejistu mak hatene, tanba departementu ne’e mak halo inspesaun sira mak hatene, sira nia parte so halo de’it rejistu ba transporte ne’ebé tama.
DNTT kontrola no hala’o tuir regra ne’ebé fahe tiha ona, katak atu kontrola iha terrenu ne’e polisia nia poder.
“Ami nia knar rejistu veíkulu sira ne’e, fó karta konduzaun halo inspesaun ba karreta sira ne’e, haree sinais tránzitu marka dalan sira ne’e”, informa tan ba iha nia knar fatin Balide, Sesta (23/07). (61L)
2,161 total views, 6 views today
Bele hare Video Seluk :