ADVERTISEMENT

UNDP Entrega Asset Projetu CRB ba MAP

Timor Post - Ekonomia
  • Share
Reprezentante UNDP iha Timor-Leste, Lagima Onta-Bhatta entrega simbolikamente asset projetu CRB ba MAP ne’ebé reprezenta husi Diretór Jerál Floresta Kafe no Plantas Industria Raimundo Mau. (Foto TP/Maria Lizia)

DILI (Timor Post) —Programa Dezenvolvimentu Nasoens Unidas (UNDP) servisu hamutuk ho Ministériu Agrikultura no Peska (MAP) ba periodu durante tinan hitu nian, kona-ba konserva ai-parapa iha Timor-Leste no projetu ne’e remata ona, tanba ne’e UNDP hakarak entrega ekipamentu projetu nian ba MAP.

Ekipamentu hirak ne’e, mak hanesan karreta tolu ho marka landcruzer, ford Ranger no Toyota Hilux, motor hitu marka KLX, laptop marka HP sanulu resin rua, ipad rua, kamera Nikon rua no Sony ida, monitor hitu printer neen no GPS ualu.

ADVERTISEMENT
SCROLL FILA BA NOTISIA


Diretór Jerál Floresta Kafe no Plantas Industria (DJFKPI) iha Ministériu Agrikultura no Peska (MAP), Raimundo Mau, hatete projetu ne’e remata ona tanba ne’e UNDP hakarak entrega ekipamentu hirak ne’e ba governu Timor-Leste hodi sai hanesan patrimóniu estadu.

Lee Mós :
Prezidente Repúblika Promulga Dekretu-Lei Medidas Apoiu ba Família Liuhusi Sesta Bázika

“Ohin ita hamutuk entrega ekipamentu no asset sira seluk husi projetu Coastal Resilience Building (CRB) ninian projetu ida ne’ebé hahú iha tinan hitu liu ba, no ita to’o ona ba nia rohan ninian, durante projetu ekipamentu sira ne’e sosa osan projetu ninian hanesan ekipamentu informasaun teknolojia nian, office stationary, no mós transporte motor no karreta ne’ebé mak iha tempu ne’ebá uza,” informa Raimundo Mau hafoin ensera projetu, iha salaun UNDP Kaikoli, Kinta (22/07).

Nia hatutan, entrega ekipamentu sira ne’e tanba iha konkordánsia ona husi dokumentu ne’e MAP ho UNDP hala’o iha tinan hirak liu ba kotuk katak projetu ne’e hotu sasán sira ne’e tenke entrega ba governu.

Tanba ne’e, MAP sei koordena ho diresaun jerál patrimóniu estadu no diresaun nasionál transporte terrestre para bele kompleta dokumentu antes governu bele utiliza ba servisu.

Lee Mós :
Foos Marka “Amor de Familia” Te’in Ladún Sabór

Diretór ne’e hatete, tuir loloos projetu ne’e kobre munisípiu sanulu resin rua, maibé konsege munisípiu hitu hanesan alvu ba projetu Dili, Likisá, Covalima, Manatutu, Vikeke no mós rua seluk.

Tanba MAP sei distribui motor hitu ofisial sira ne’ebé destakadu iha projetu ne’e, nune’e sira bele monitoriza ai horis sira.

Husi projetu ne’e konsege fó benefísiu di’ak ba ekosistema ai-parapa sira hanesan iha sukaer laran Akanunu no Manleuana nian.

Raimundo salienta, sei iha servisu kontinuasaun ne’ebé sosiedade tenke tau atensaun para bele asegura nafatin ai-horis sira ne’e hodi fó benefísiu ba ekosistema iha Timor-Leste.

Polítika Ministériu Agrikultura no Peska nian iha lei orgániku foun tinan 2019 iha diresaun foun ida espesífiku liu ba ai-horis Mangrove nian iha tasi ibun sira hodi nune’e bele iha rekursu di’ak ba ai horis. Tanba ne’e, ekipamentu sira ne’e sei utiliza ba servisu protesaun ai-horis sira iha tasi ibun no rai maran

Lee Mós :
“Prioritiza Polítika Sustentabilidade Longo Prazu”

Iha sorin seluk, reprezentante UNDP, Lagima Onta Bhatta, hatete durante implementa projetu ne’e gasta orsamentu ho montante millaun $7 no asset ne’ebé atu entrega ba MAP ne’e ho kustu $179.000.

“Asset sira ne’e halo ona check no hadi’a ona entaun UNDP asegura katak asset ka ekipamentu sira ne’e funsiona hela, para bele entrega ba iha MAP,” hakotu nia.(jho)

 910 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “UNDP Entrega Asset Projetu CRB ba MAP” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No