Reportajen Cesaltina Ximenes/ editor Mateus da Cruz
DILI—Komisaun Anti Korrupsaun (KAK), sei lori funsionáriu sira la devolve subsídiu agregadu familiar US$200 tuir prazu ba iha Tribunál
Agora dadaun Komisaun Anti Korrupsaun liu hosi diresaun prevensaun no sensibilizasaun, sei buka tuir dadus re-depozita osan estadu, hosi funsionáriu no emprezáriu sira ne’ebé la iha direitu ba subsídiu $ 200 ba agregadu familiar.
Komisáriu Adjuntu KAK, Luis de Oliveira Sampaio, hatete, dia 30 Junho ne’e data ikus ona ba devolve osan, hafoin ne’e KAK sei halo koordenasaun ho BNCTL nomos MSSI atu haree ema na’in hira mak konsege devolve no na’in hira maka la devolve.
“Dia 30 Juñu data ikus atu sira devolve fali osan, se mak la kumpre ita sei lori ba prosesu tuir lei,”nia dehan ba Timro Post, via Telefone, Kinta (01/07).
Luis sampaio hatete, agora dadaun sira nia parte seidauk identifika númeru loloos, tanba relatóriu seidauk mai hosi ministériu finansas.
“Semana kotuk provizoriamente iha ona na’in 70 resin, maibe dehan iha ona mudansa, tanba ne’e hein konfirmasaun hosi Ministeriu Finansa no MSSI,”dehan tan.
Nune’e, dadaun ne’e KAK rekolla hela dadus kompleta hosi Ministeriu Finansas, liu hosi BNCTL nomos MSSI, kuandu iha ona rezultadu final mak KAK sei relata fali ba públiku hodi prosesa funsionáriu sira la kumpre regra ba iha tribunál.
Antes ne’e, Iha avaliasaun konjunta iha 17 Juñu 2021, entre CAC, MSSI no BNCTL hatudu katak iha ona benefisiáriu hamutuk ema nain 73 mak redepozitu ona osan ne’e ba kofre estadu liu husi banku BNCTL tantu iha Dili no sukursal BNCTL iha munisipiu sira. (Lee notisia seluk iha jornal timor post)
840 total views, 3 views today
Bele hare Video Seluk :
Subscribe to Timorpost
