ADVERTISEMENT

OJE 2020 La Pasa iha Jeneralidade, Taur husu Povu Hakmatek

Timor Post - Nasionál
  • Share

DILI—Parlamentu Nasionál halo ona votasaun ba proposta lei Orsamentu Jerál Estadu (OJE) ba tinan fiskal 2020 ne’ebé aprejenta husi Primeiru Ministru Taur Matan Ruak ho nia membru governu sira, ho votus a favor 13, kontra 15 no abstensaun 25.

Ho nune’e, proposta ne’e la pasa, signifika proposta ne’e la hakat ona ba espesialidade. No tuir konstituisaun, governu sei iha oportunidade ba dala ida tan hodi aprejenta hikas proposta foun ba OJE 2020 nian. Maibé bainhira la aprova tan maka konstituisaun fó kompeténsia ba Prezidente Repúblika dissolve Parlamentu Nasional ho hakat ba eleisaun antesipada.

Tuir observasaun jornalista, deputadu maioria husi bankada CNRT maka vota abstensaun, FRETILIN kontra hotu, PD balu vota abstensaun no a favor.

Iha intervensaun ikus husi Primeiru Ministru Taur Matan Ruak afirma, nia simu desizaun parlamentu nasional nian no nia governu kontinua prontu atu la’o nafatin ho duodésimu, maske nia triste ho desizaun ne’e tanba iha implikasaun ba situasaun ekonomia no sosial iha Timor Leste.

“Situasaun iha parlamentu nasional hatudu dala ida tan katak, jestaun ita nia nasaun nian iha difikuldade atu lori hodi tuir dalan ne’ebé loos. Siuasaun ida ne’e loke dala ida tan ba ita nia pais atu tuir dalan orsamentu duodésimu,” Taur subliña.

Lee Mós:
Governu Kontinua Fasilita Timoroan Na’in-Neen Tama husi Frontera Terrestre

Deputada husi bankada KHUNTO Olinda Guterres iha nia intervensaun afirma, nia arepende ho desizaun CNRT nian hodi la halo liu proposta OJE ne’e. Nia dehan, ba oin nia partidu dúvida boot atu hamutuk iha koligasaun ne’ebé hanesan.

Iha deklarsaun votu, Prezidente PD, Mariano Assanami Sabino hatete, nia rasik vota a favor ba OJE 2020 ho nia konsiénsia rasik hanesan deputadu no la reprejenta partidu.

Lee Mós:
MNEK Husu Konsellu Ministru Deside Fó Apoiu Millaun 1 USD ba Ukránia

Deputadu sira husi FRETILIN afirma, husi rejultadu desizaun ne’e mak hatudu desizaun polítika ne’ebé obriga jerasaun tuan sira atu tur hamutuk hodi hakotu inserteja polítika iha rai laran.

Deputadu husi PLP sente triste tanba proposta OJE ne’e la pasa, maibé sira fi’ar ba oin sei iha solusaun di’ak liu. (cao)

 269 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “OJE 2020 La Pasa iha Jeneralidade, Taur husu Po…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: