ADVERTISEMENT

ERD Projetu Governu Nian

  • Share
Ministru Obras Publika (MOP), Salvador Eugenio Soares Pires

DILI—Ministru Obras Publika (MOP), Salvador Eugenio Soares  Pires informa programa Estrada Rural ba Dezenvolvimentu (ERD) ne’e programa governu nian, kapitál investimentu mai husi governu, iha tinan ne’e tau orsamentu kuaze millaun $40-resin.

Husi total orsamentu ne’e, nia afirma, fahe ba millaun $13 resin tau iha liña ministerial hodi halo manutensaun periódika no manutensaun rutina, no millaun $35 ba reabilitasaun nian ne’ebé  tau iha fundu infraestrutura ba 69 pakote projetu.

ADVERTISEMENT
SCROLL FILA BA NOTISIA


“Governu Australia fó asisténsia tékniku liuhusi ILO, ajuda ita halo planeamentu hanesan dezeñu no mós treinamentu ba ita-nia staff no setór privada sira ne’ebé mak manán tender hodi ka’er projetu sira ne’e, liuliu sira nia jestór ba projetu, para implementa projetu tuir padraun ne’ebé mak ita iha,nune’e rezulta projetu ne’ebé iha kualidade,” ministru Salvador informa ba jornalista sira, iha Otél Novo Turizmu hafoin lansa projetu ERD ne’e, Kinta (10/06).

Lee Mós :
Pagamentu Subsídiu 60%, Hotel no Catering Tama Iha Levantamentu Fundu Petrolíferu

Ezekutivu ne’e dehan, pakote Estrada Rural ba tinan ida ne’e iha liña ministériu no fundu infraestrutura kuaze 136, ho orsamentasaun kuaze millaun $40 resin, millaun $35 tau iha fundu infraestrutura no millaun $13 resin mak iha liña ministériu nian.

“Ohin ita mai halo uluk aseitasaun ba munisípiu-lima nian, tanba prosesu verifikasaun ita loke uluk tender pakote balu, balu ita foin loke prosesu tenderizasaun, balu sei iha private no  balu tama ona prosesu kontratasaun. Entaun ohin munisípiu lima; Dili, Baukau, Vikeke, Manatutu no mós Likisá, ne’e ita tama ona prosesu aseitasaun, la kleur tan sira bele tama ona asina kontratu no bele halo mobilizasaun ba manutensaun rutina no mós manutensaun periódiku iha liña ministériu nian,” Salvador afirma.

Lee Mós :
SEFOPE Despede Traballadór 30 Ba Servisu Iha Australia

Salvador hateten, total investimentu iha Estrada Rural ne’e, kuaze 816km, iha Orsamentu Jerál Estadu (OJE) tinan 2021.

“Ha’u husu ba kompañia implementador sira, atu fó sira-nia abilidade tomak implementa projetu ne’e iha kualidade, tanba investimentu ne’e uza osan povu nian, kada investimentu no kada sentavu tenke lori ré-tornu ekonómika, para realiza vizaun governu nian atu hametin konektividade fíziku ba fasilita ita-nia dezenvolvimentu ekonómiku,” Salvador apela.

Iha fatin hanesan, Diretora  Kompañia Rozi Construction, Rosa Maria Hornay, husi Munisípiu Baukau, hateten karta aseitasaun ne’ebé sira asina, fó ona responsabilidade ba kompañia sira, oinsá atu implementa projetu ne’ebé hetan konfiansa husi governu atu bele implementa projetu tuir regras ne’ebé iha ona kontratu laran.

Lee Mós :
CCI-TL Realiza Kongresu Nasionál Ba Dahaat

“Hanesan emprezária feto timoroan, hakarak mós fó ami nia kontribuisaun ba dezenvolvimentu ita-nia rai doben Timor-Leste,” nia katak.

Rosa dehan, Kompañia Rozi Construction ka’er pakote rua ho estrada kilómetru rua, hahú husi Oso-ala ba to’o iha Loilubu. No tuir BOQ projetu refere sei termina iha tinan ne’e.

“Ha’u hetan iha pakote rua, hamutuk kilómetru rua resin ho montante orsamentu $600 mill resin, kaer husi Oso-ala ba too iha Loilubu. Ami garantia kualidade, tanba ami nia rekursu sira preparadu,” Rosa hatete. (jry)

 848 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “ERD Projetu Governu Nian” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No