(Reportájen Jaime Pires/Editor Suzana Cardoso)
DILI (Timor Post) – Tanba Covid-19 no mós kalamidade públika mak ema labele halibur maluk barak. Nune’e serimonia selebrasaun loron restaurasaun Independensia ba dala-19 sei la hala’o.
“Aban eventu serimonial sira sei la halo. Tanba Covid-19 no mós kalamidade públika. Entaun ema labele halibur maluk barak. Prezidente Repúblika sei hato’o mensajen deit ba públiku.”
Hateten Ministru Administrasaun Estatal (MAE), Miguel Carvalho Pereira ba jornalista iha Ministeriu Finansas, Kuarta, (19/05/2021). Nia haktuir, serimonia selebrasaun loron proklamasaun independensia sei la hala’o.
Nia dehan, la realiza serimonia sira. Maibé selebrasaun 20 de Maiu 2021 ne’e kontinua halo nafatin liu husi Prezidente Repúblika sei hato’o mensajen ba povu Timor-Leste konaba loron importante ne’e.
“Ha’u apela ba komunidade sira hotu-hotu bele hasa’e Bandeira iha ida-idak nia uma oin hodi fó sinal ba loron importante ne’e”, tenik Ministru Miguel hodi hatutan hotu-hotu sei halo reflesaun iha um aba rai doben Timor-Leste nia loron Restaurasaun Independensia ba dala-19 ne’e.(Lee notísia seluk iha Jornál Timor Post)
743 total views, 3 views today
Bele hare Video Seluk :