ADVERTISEMENT

Sidadaun Ida Mate Ho Covid-19 Iha Servisu Fatin Fatuhada

Timor Post - Saude
  • Share
Ekipa Koveiru hit hela mate isin COVID-19 hatun ba iha kaixaun. (Foto Timor Post/Olga Soares)

(Reportájen Olga Soares/Editor Suzana Cardoso)
DILI (Timor Post) – Hafoin mate derepente iha servisu fatin Diamond workshop Fatuhada, Filipe Ramos (56) hetan kedas swap hosi ekipa Saúde. Hosi rezultadu swab ne’e Matebian Filipe Ramos identifika pozitivu Covid-19.

Akontesementu ne’e akonetese, iha Sabado, (15/5/2021), maizu menus iha tuku 08:00 dader iha officina Diamond workshop Fatuhada. Tuir kronolojia hosi Sasin Inacio de Araújo Alves konta, iha dadersan matebian ho ninia biskleta husi uma Kintal Boot mai servisu fatin hanesan bain-bain.

ADVERTISEMENT
SCROLL FILA BA NOTISIA


“Ami iha dadersan ne’e idaidak halo nia servisu. Ha’u rasik fase hela kamiza iha haris fatin. Kolega moko ida hakilar ba ha’u dehan, o buka took Tiu Filipe iha ne’ebé. Ha’u mós hakilar, “Tiu Lipe, Tiu Lipe,” maibé Tiu Lipe la hatan. Maka ha’u kontinua fase roupa,” esplika Inacio.

Hateten Inacio, derepente rona kalen iha uma laran tarutu maka’as. Halai hakbesik ba lian tarutu ne’e. Loke kalen Tiu Lipe toba hela iha kadeira. Tiu Lipe sei koa’lia dehan o ajuda fui bee fó ha’u lai. “Ha’u la fó. Tanba hare matebian kosar kaer maka’as. Maibé matebian husu nafatin. Entaum ami desidi fó duni bee ba matebian hemu,” tenik Inacio hodi hatutan.

Lee Mós :
Aimoruk Paracetamol Sirup iha Armajen SAMES Mamuk

Bee ne’ebé kolega sira fó ba matebian hemu hakmumu de’it iha ibun laran. Depois Matebian Filipe husu tan balde mai atu muta. Balde sei duni no nia muta duni. Hosi kondisaun ne’e patraun Diamond workshop haruka bolu nia familia.

“Ha’u sai husi servisu fatin ba matebian nia uma iha Kintal Boot. Ha’u hetan duni nia oan mane boot. Ha’u dehan ba nia oan ne’e dehan, “Ita nia Apa laiha tiha ona.” Nia oan sira mós mai kedas iha servisu fatin. Too iha ne’e familía sira hare matebian is laiha duni ona. Hafoin familía kontaktu kedas ba númeru Covid-19 nian 119 hodi fó hatene,” haktuir Inacio.

Haktuir Inacio, Matebian Filipe servisu iha Diamond Workshop hanesan ema pintor ba karreta. Matebian servisu besik tinan tolu ona.

ttps://www.youtube.com/watch?v=4I0N6EtflbM
Ejiji Lori Ba Uma
Iha parte seluk oan feto hosi Matebian Filipe ba Timor Post hateten, nia Aman la hetan sintomas. La iha isin manas. Nia Aman sai husi uma Kintál Boot mai servisu fatin ho ninia transporte Besikleta. Matebian nia iha moras tensaun nanis ona.

“Ha’u nia Aman isin manas laiha. Mear mós laiha. Ne’ebé imi lalika mai dehan ha’u nia Aman Covid-19. Tanba ne’e ami husu atu lori ha’u nia Aman ba uma. Labele ba rai iha izolamentu,” hakilar ida hosi oan feto Matebian Filipe ba ekipa saúde.

Lee Mós :
Australia Prevee Tan Osan 800.000 USD ba Peskiza Nasionál Tuberkuloze

Hatan ba preokupasaun hirak ne’e, Koordenador Pillar III, Carlito Correia Freitas haktuir sidadaun ne’e ohin dadersan purvolta tuku 11: 00 liu ekipa pillar III ne’ebé tau matan ba Vizilansia Epidemolojia simu kontaktu husi númeru hotline 119 katak sidadaun ida monu mate fatin iha servisu fatin.

“Ha’u hanesan ekipa Koordenador Pillar III, ha’u orienta kedas ekipa. Ami mai iha fatin akontesimentu halo negosiu ho familía kona-ba mate isin ne’e. Depois familía aseita mak ami halo teste swab. Iha tuku 14:00 ho balun ami simu fali rezultadu teste PCR husi Laboratórium Nasionál mai ho pozitivu Covid-19,” nia afirma.

Nia dehan, pedidu amostra ne’ebé ekipa pillar III hatoo ba Laboratórium ida ne’e urjensia no rezultadu ne’e sai mai pozitivu Covid-19.

Hafoin rezultadu teste sai, ekipa pillar III, kontaktu ba iha ekipa toma konta Koveiru ho prosesu toma konta ba óbitu hodi mai halo prosesu. “Ita boot sira hare matebian monu tuun iha fatin nia monu ba. Tanba komforme istoria ne’ebé familía konta katak, matebian durante ne’e hetan hela moras tensaun. Dala ruma nia hemu bee malirin maka ataka. Loos duni ami hare duni iha be malirin aqua ida matebian hemu. Ida ne’e hanesan istoria. Maibé prosesu investigasaun sei fó sai husi komferensia imprensa,” nia subliña.

Lee Mós :
MS-ASOSIASAUN HAMNASA Hametin Sistema Nasionál Saúde Hodi Hapara TB

Nia dehan, rezultadu ne’ebé sai husi Laboratórium Nasionál, matebian mate duni ho Covid-19. Matebian sei tau iha izolamentu Vera Cruz. No iha Loron Domimgu, (16/05/2021) sei halo prosesu viajen ba matebian nia moris fatin Lautem.

Matebian mai husi Suku Maina II, Postu Administrativu Lospalos, Munisípiu Lautem. Matebian nate husik hela fen kaben ho oan nain rua.

Tuir observasaun Timor Post iha matebian nia servisu fatin nota katak, familía ho ekipa saúde hadau malu mate isin. Familía dehan lori matebian ba uma iha Kintál Boot. Maibé iha familía balun hamutuk ho ekipa la aseita hodi dehan tenke lori ba rai iha izolamentu Vera Cruz. (Lee notísia seluk iha Jornál Timor Post no asiste deskute malu entre familia iha Timor Post TV)

 918 total views,  9 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Sidadaun Ida Mate Ho Covid-19 Iha Servisu Fatin…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No