ADVERTISEMENT

Família Defende Mate La’ós Tanba Vasina

Timor Post - Saude
  • Share
Familía Matebian Saturnino do Rego realiza komferensia imprensa hodi halos informasaun ne'ebé espalla iha Sosiál media. (Foto TP/ Olga Soares)

(Reportájen Olga Soares/Editor Suzana Cardoso)
DILI (Timor Post) – Relasiona ho informasaun ne’ebé espalla iha Sosiál media (Sosmed) katak Funsionariu Ministeriu Saúde (MS), Matebian Saturnino do Rego Alves (49), mate tanba depois simu vasina ne’e la’ós.

“Informasaun ne’ebé mak dadauk ne’e sirkula iha Sosmed katak familía ida mate tanba vasina, ami atu desmente nutisia ida ne’e. Informasaun ne’e la loos. Ami nia alin ne’ebé mate nia ema funsionáriu MS.”

ADVERTISEMENT
SCROLL FILA BA NOTISIA


Esplika reperzentante familía Matebian Matebian Saturnino do Rego, Feliciano Alves ba Jornalista liu husi konferensia imprensa iha rezidensia mate uma, Suku Madohi, Postu Administrativu Dom Aleixo, Munisípiu Dili, Sesta, (14/05/2021).

Hateten Feliciano, Matebian Saturnino iha duni moras ida. Iha tinan 2020 Matebian Saturnino hetan asidente ida iha uma ne’e mak agrava too agora. Nune’e matebian mate ho moras seluk.

Lee Mós :
Pasiente HIV/SIDA Na’in-190 La Ativu halo Tratamentu iha Klinika Bairro-Pite

Mate Hafoin Simu Vasina?
Maske nune’e Feliciano rekuñese katak antes atu mate, Matebian Saturnino hanesan ema Funsionáriu MS rasik mak husu atu ba simu vasina. Matebian Saturnino mós ezije ba familía uma laran atu ba simu vasina hotu iha sede suku Madohi.

“Tanba saida mak nia hakarak ba simu vasina,” husu Timor Post. “Tanba ho moras ne’ebé nia iha antes, nia hakarak ba hetan vasina hodi hetan kartaun vasina. Nune’e tempu ruma nia agrava moras, ho kartaun ne’ebé iha bele fasilita ba halo tratamentu saúde iha rai liur,” hatan Feliciano.

Nu’udar familía ami deklara hatutan Feliciano, ami nia alin ne’e nia momentu nia ba simu vasina nia too iha Sentru vasina nia simu ho di’ak. No hafoin simu nia ho familía sira fila uma han meudia hamutuk ho familía laiha problema.

Lee Mós :
REBAS-TL Deteta Postu Saúde Fahinehan Mamuk

Konta Feliciano, han meudia liu tiha oras tolu ka haat nune’e mak familía iha dezentendimentu iha uma laran rezulta komportamentu ruma husi nia oan sira. No halo matebian momentu ne’e lakonsege espresa no nonok ka dezmaia.

“Husi dezmaia ne’e familía evakua lori ba sentru saúde Komoro la konsege resolve. Familía kontinua transporta ho ambulansia ba kedas HNGV. Too iha ne’eba tuku 20:00-resin ona. Matebian hetan rekupera fila-fali,” katak Feliciano.

Fila husi HNGV Feliciano konta katak, mai uma deskansa ho di’ak hela. Too tuku 04:00 madrugada Matebian Saturnino hetan fila-fali ataka hodi rezulta lakon kedas ninia vida.

“Maibé ami familía la dehan katak ne’e vasina mak nia mate. Ami hatene katak nia mate kauza husi dezenvolvimentu ida ne’ebé mosu iha uma laran. Tanba ne’e mak provoka nia tensaun. Ikus liu nia mate,” haktuir Feliciano.

Lee Mós :
Governu Sei Aluga Armazena Super serial

Matebian simu vasina iha Loron Kinta, (13/05) iha meudia, iha sede Suku Madohi. Funsionariu MS ne’e mate husik hela oan nain rua ho feen kaben. Matebian familía sira sei nafatin tau iha rezidensia.

Familía sira nafatin kumpri protokolu Covid-19 nian. Katak uza máskra fase liman no distansia Sosiál. Tuir oráriu matebian sei halot iha Loron Sábadu, (15/05/2021). No sei halot iha Semitériu Públiku iha Dili.(Lee notísia kompletu iha Jornál Timor Post)

 703 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Família Defende Mate La’ós Tanba Vasina” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No