ADVERTISEMENT

Dili Mantein Konfinamentu, Munisípiu Neen Livre Hosi Sersan

Timor Post - Nasionál · Saude
  • Share
MPKM Fidelis Manuel Leite Magalhães

(Reportajen José Caet/ Editor Suzana Cardoso)  

DILI (Timor Post) – Tanba loron rua ba kotuk, (dezde 10/5/2021) la rejistu kazu foun ba kazu Covid-19, governu liu hosi reuniaun ordináriu konsellu ministru aprova ona projetu rezolusaun hodi deside munisípiu neen livre hosi Serka Sanitaria (Sersan).

ADVERTISEMENT
SCROLL FILA BA NOTISIA

“Konsellu ministru deside la renova impozisaun serka sanitaria (Sersan) no sei vigor too loron 16 Fulan Maiu tinan ne’e iha munisípiu neen,” hateten Ministru Prezidénsia Konsellu Ministru (MPKM), Fidelis Manuel Leite Magalhães hafoin remata reuniaun iha edifísiu ministériu finansas, Ai-tarak Laran, Kuarta, (13/05/2021).

Lee Mós:
Rezultadu Swab Família Matebian Armindo Nain Ida Pozitivu

Nia esplika liutan, iha reuniaun ordináriu konsellu ministru nian ne’e governu deside munisípiu neen livre hosi Sersan mak hanesan; Ainaru, Ermera, Lautem, Likisá, Manufahi no Vikeke, tanba loron rua ba kotuk la rejistu kazu foun.

Aliende ne’e katak MPKM Fidelis, reuniaun konsellu ministru mós aprova ona projetu rezolusaun governu hodi deside munisípiu Dili, Baukau no Covalima kontinua Sersan. No Munisípiu Dili mantein konfinamentu obrigatoriu durante loron 14.

Governu deside hanaruk tan konfinamentu obrigatoriu dehan Fidelis, tanba koordenadór Sentru Integradu Jestaun Krize (SIJK) aprezenta pontu situasaun epidemolojia iha TL.

Lee Mós:
FA husu Governu Promove Direitu Ema ho Defisiénsia

Fidelis avisa, rezolusaun governu ne’e kontinua bandu sirkulasaun sidadaun entre Munisípiu; Dili, Baukau no Covalima, inklui sirkulasaun administrasaun sira seluk. Exetu iha kazu hirak ne’ebé ninia fundamentu forte. Tanba ho razaun seguransa publika, saúde publika asisténsia umanitária, manutensaun hosi sistema sira no abastesimentu públiku.

Alende ne’e tenik Fidelis, medida barak maka governu hatuur tiha ona iha orsamentu retifikativu. Liu-liu ba empreza, traballadór, apoiu ba estudante no eletrisidade. Apoiu hirak ne’e, atu halakon todan ne’ebé mak empreza sira enfrenta.

Fidelis hateten, governu kria atu halo apoiu ba empreza no traballadór sira hodi labele lakon sira ninia direitu. Hanesan, sidadaun ne’ebé halo rasik ninia negósiu. Motorista mikrolete no taksista ne’ebé mak sai vítima ba surtu Covid-19.

Lee Mós:
MNEK: Kuarta Agora Timoroan 161 Bele Aranka ona ba Inglaterra, Buka Ministru José Agostinho To’o Uma

“Institutu Nasionál Seguransa Sosiál (INSS) halo medida no loke fila-fali inskrisaun atu sira bele hetan benefísiu. Nune’e mós, sentru lojístika nasionál iha komponente ida atu apoiu ai-han ba komunidade no estudante sira hirak ne’ebé sofre alimentár,” hateten MPKM Fidelis.(Lee notísia seluk iha jornál Timor Post)

 118 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Dili Mantein Konfinamentu, Munisípiu Neen Liv…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: