(Reportajen Jaime Pires/Editor Rosa Garcia)
DILI (Timor Post) – Governu Timor-Leste simu ona apoiu osan ho montante $10.000, dolar Australianu hosi kámara munisipál Darwin.
Informasaun ne’e hato’o hosi konsuladu Jeral Timor Leste iha Daein ,Celio Moniz ba Timor Post, foin lalais, via email .
“Governu Timor-Leste ho laran luak simu ona tulun osan ho montante $10.000, dolar Australianu Darwin, hodi tulun ba rekuperasaun hafoin inundasaun iha Timor-Leste”, dehan Nia.
Subliña, Apoiu ida ne’e nu’udar parte ida mós husi programa sidade irmán ho kapitál Dili, sidade Nasaun Timor-Leste ninia ne’ebé mak afeta ba inundasaun iha loron 04 Abríl liubá.
Reforsa, Prezidente Munsipiu Darwin, Kon Vatskali, konvoka mós sorumutu ho nia iha loron 29 Abril 2021, iha Konsuladu Jeral Timor-Leste iha Darwin hodi entrega rasik cheque atu transferénsia hikas ba konta bankária Kruz Vermella Dili ba programa asisténsia inundasaun nia.
Komite Konsellu Munsipal Darwin nia mós aprosima ona kompañia provadu sira seluk inklui komunidade grega sira atu bele fornese mós asisténsia ba aliviu inundasaun ne’ebé mak akontese.
Nia konfesa, kámara munisipál Darwin mós ho laran di’ak suporta iha tenda (Fundrising) merkadu mundial Darwin durante kalan rua, hodi esforsu nafatin tulun ba vítima aliviu inundasaun, no fiar metin katak ho doasaun tulun ne’ebé frekuente ema barak sei fó tulun iha merkadu ida ne’e.
“Lori governu no povu Timor-Leste nia naran, hato’o obrigadu barak ba kámara munisipál Darwin ho ninia komunidade ba sira nia jenerosidade hodi tulun ba vítima dezastre naturais iha Timor-Leste.(Lee Notisia Seluk Iha Jornál Timor Post)
758 total views, 3 views today
Bele hare Video Seluk :
Subscribe to Timorpost
