ADVERTISEMENT

Orgullu ho Jornalista Tanba Kontinua Eziste

Timor Post - Edukasaun · Nasionál
  • Share

(Reportájen Amelia Babo/Editor Rosa Garcia)

DILI (Timor Post) – Observadór polítiku, Camilo Ximenes Almeida, louva jornalista sira nia servisu durante ne’e, tanba hatudu ho profisionál maski serka sanitáriu maibé nafatin divulga informasaun ba públiku.

ADVERTISEMENT
SCROLL FILA BA NOTISIA

“Ha’u louva mídia no jornalista sira ninia servisu durante iha situasaun difisil maibé nafatin vontade no hatudu profisaun profisionál hanesan iha baze”, informa Camilo ba Timor Post, Segunda (03/05).

Dosente siénsia governamentais ne’e afirma iha nasaun ida mídia ninia papél importante tebes, tanba mídia mak sai matan tilun ba ema hotu, karik mídia laiha nasaun ninia dezenvolvimentu ka mudansa ema labele hatene no nasaun seluk labele hatene ita Timor.

Lee Notísia: Mapkoms Kongratula Profesionál Komunikasaun Sosiál

Tanba ne’e mak apresia no fó parabéns ba mídia no jornalista sira iha Timor-Leste, tanba jornalista maka sai lian ba lian laek sira no jornalista mak masin, mina no temperus hodi halo modo ne’ebé ita te’in sai savor no ema barak gosta han mak ezemplu badak notísia ne’ebé rekolla iha terenu hodi públiku ba públiku liu-husi jornalista ninia servisu.

Lee Mós:
Asembleia Exstra-ordinária Rede Feto, Zélia Fernandes Troka Yasinta Lujina

“Tanba ne’e mak ha’u konsidera mídia ninia papél ne’e importante ba prosesu konstrusaun estadu ninian, karik mídia laiha nasaun labele dezenvolve ninian-an se mak hatene Timor-Leste ne’e ezije tanba ne’e maka ha’u konsidera mídia sai lalelok ba ema hotu.” Nia apresia

Lee Notísia: Parabéns Jornalista Timor-Leste, Timor Post Selebra Ho Lansa TV Online

Dekanu fakuldade siénsia sosiais ne’e haktuir mídia mak sai espellu ba mundu tomak hodi hare ezijénsia TL nian ne’e eziste duni, mídia ninia papél ne’e importante ba nasaun sira ne’ebé adapta demokrasia, maibé iha nasaun nia laran governu inklui partidu polítika sira la gosta tanba sira obriga jornalista atu halo tuir sira ninia partidu ninia hakarak no konkorda ba nian.

Lee Mós:
Governu Nomeia Florentino Ferreira Ba Prezidenze ANPM

Tanba sira ladún entende di’ak liu demokrasia, tanba ne’e mak jornalista labele monu ba lasu sira, jornalista tenke mantein kódigu jornalista no artigu 41/42 halo imi ninia knar profisionál no hatudu imparsiál.

Jornalista tenke neutral tantu partidu A ka partidu B imi tenke balansu atu nune’e imi labele monu lasu, imi jornalista ema profisionál prepara imi ninia-an prontu atu hasoru se de’it bainhira nia la relatu situasaun real, tanba ne’e mak papél ka knar jornalista nian.

“Ha’u louva imi jornalista ninia servisu durante ne’e mundu ka governanante sira tenke apresia ba imi ninia servisu, maski kompañia ka instituisaun balun la rekoñese imi jornalista ninia kontribuisaun liu-husi prosesu estadu nian”, afirma tan nia.

Camilo husu ba fundadór mídia tantu governu ka privadu tenke rekoñese jornalista ninia servisu, fasilita sira liu-husi formasaun oi-oin kona-ba mundu jornalizmu nian atu bele eleva jornalista sira ninia koñesimentu kle’an liu tan.

Lee Mós:
Labarik ho Idade Entre 12-18 Hamutuk 37.509 Seidauk Simu Vasina Daruak

Mídia na’in sira presiza fasilita ekipamentu adekuadu no kualidade ba jornalista sira, hasae sira ninia saláriu sufisiente ba sira, tanba sira mak hakbesik iha terenu hodi hasoru fontes presiza fasilita ekipamentu modernu ba sira no dignu atu nune’e sira bele halo sira ninia servisu profisionál, inklui husu ba konsellu imprensa (KI) atu sai mahon ba mídia, sira tenke fasilita formasaun.husu

Observadór polítika ne’e kestiona tuir loloos iha KI ne’e ema neutra labele nomeia husi partidu polítika sira. (Lee notisia seluk iha jornál Timor Post)

 315 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Orgullu ho Jornalista Tanba Kontinua Eziste” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: