Timoroan ho Covid-19 Tama To’o Xiamen

(Reportájen Agostu Sarmento)

DILI (Timor Post) – Hafoin halo teste, Timoroan nain neen deteta pozitivu Corona virus foun ne’ebé provoka hosi Covid-19 wainhira halo viajen liu hosi Malázia, nune’e sira obrigatoriu halo kedas izolamentu loron tomak.

SCROLL FILA BA NOTISIA

“Deteta kazu Covid-19 importadu neen, nain tolu dezenvolve sintoma, haktuir Komisaun Saúde Munisipál Xiamen,” sita Timor Post hosi ajénsia Lusa, Tersa (27/04).

Autoridade iha Sidade Xiamen, Sudeste Xina, rejista kazu Covid-19 importadu hosi Sidadaun Timoroan ne’ebé halo viajen liu hosi Malázia. Hosi komunikadu ne’ebé autoridade publika iha Domingo, sidadaun Timoroan ida ne’ebé ninia voo hosi kapitál Malázia Kuala Lumpur ba Xiamen iha sesta semana kotuk.

Lee Mós :

Reposta ba deklarasaun Teofilho Caldas konabá UMA KULTURAL LAÚTEM NE’EBÉ LAIHA VALOR KULTURAL

Timoroan ne’e halo teste no deteta pozitivu ho corona virus foun ne’ebé provoka covid-19 no halo kedas izolamentu loron tomak.

Sidadaun ne’e ninia sintoma sei dezenvolve hela no oras ne’e kumpre tratamentu iha ospitál ida Xiamen ho kondisaun estadu klíniku estavel. Pasajeiru seluk, tama moos izolamentu no hetan observasaun medika.

Sidade Xiamen mós rejista iha loron 19 Abríl 2021 kazu importadu covid-19, sidadaun Xinés servisu iha Timor-Leste, to’o iha Xina liu hosi Jakarta Indonesia. Situasaun atuál iha Timor-Leste, loron 27 fulan abril 2021 hodi Centro Integrado Gestão de Crises-Sala Situação nia naran, hakarak hato’o ba públiku tomak informasaun hanesan tuir mai:

Lee Mós :

Estudu iha Portugál, Bolseiru IOB 46 Hasoru PR Horta

Dadus Jerál Ohin 27 Abríl 2021

Totál kazu konfirmadu kumulativu (sura husi 21 marsu 2020): 2048

Kazu foun ne’ebé relata ohin: 99 (58 iha Díli, 41 iha munisípiu seluk)

Husi kazu ohin iha mane 50, feto 49

Asintomátiku na’in 94 (94,9%), Sintomátiku 5

Husi total kazu detetadu foun ohin 71 maka deteta liu husi teste ho razaun atu halo viájen ka halo ona viájen ba munisípiu hafoin deteta pozitivu.

Maski nune’e sira ne’ebé rezultadu teste pozitivu, sira-nia hela fatin iha Díli iha duni cluster sira ne’ebé iha kazu detetadu barak. Kona ba Rekuperadu ohin 27 abril 2021: 76, husi horiseik mai ohin teste ne’ebé mak Laboratóriu Nasionál Saúde halo hamutuk 958 PCR, ho detallu hanesan tuirmai:

Lee Mós :

MJ-EUA Asina Arendamentu ba Fatin Diplomátiku Foun

Vijilánsia sentinela: 141, Rastreiu ba kontaktu (Contact tracing): 27, Rastreiu Aleatoriu (Random Screening): 198, Viájen sai husi serka sanitária husi Dili: 568, Viájen internasionál: 22.(Lee notísia seluk iha Timor Post)

1,326 total views, 6 views today

Oinsa Ita nia Reaksaun iha Notisia Nee?