ADVERTISEMENT

Lere hetan Kontaktu Kandidatu ba Prezidente Repúblika

Timor Post - Jeral
  • Share

DILI—Xefe Estadu Maior Jeneral FALINTIL-Forsa Defeza Timor Leste (F-FDTL), Maijor Jeneral Lere Anan Timur, fó resposta ba kontaktu sira kona-ba nia kandidatu ba Prezidente Repúblika iha periodu tuir mai.

Lere dehan, sei fila ba vida polítiku hafoin mandatu hotu iha instituisaun defeza nian, maibé nia seidauk serteja kona-ba kandidatu ba prezidente repúblika.

ADVERTISEMENT
SCROLL FILA BA NOTISIA


“Atu kandidatu ba prezidente, Timor ne’e matenek barak, sira barak mai ko’alia ho ha’u, ha’u dehan ha’u seidauk hatete sai prezidente ka la sai prezidente no kandidatu ka la kandidatu,” Lere subliña ba Jornalista sira hafoin selebrasaun loron Komponente Navál F-FDTL badala-18, iha Kuartel Komponente Naval Hera, Domingu (12/01/2020).

Lee Mós :
Alkatiri apresenta queixa contra CNRT

Rajaun ne’e Lere fó sai tanba nia sei ativu hela hanesan militar.

“Ha’u agora ha’u sei militár. Mas kuandu ha’u sai husi vida militár ha’u sai polítiku duni,” Lere afirma.

Lere dehan, nia mandatu extende ona ba dala rua hodi lidera instituisaun F-FDTL no fulan Outubru tinan ne’e termina ona.

“Ami nia estatutu ha’u extende ona ba dala rua, oito anos. Sem dúvida fulan Outubru ne’e mak últimu mandatu. Últimu mandatu dala ruma polítiku sira mós iha diverjénsia. Primeiru, ha’u husu ba polítiku sira, ha’u la’ós boneka ida ou hanesan labarik ida ema halimar ho ha’u! Kuandu deside ne’e tenke iha konsensu, sai mós ho konsensu no hela mós ho konsensu. Ida ne’e mak ha’u husu,”  Lere hatete.

Lee Mós :
Luta Hamutuk preocupada com qualidade da estrada que liga Díli a Baucau

Lere hatete, iha futuru ema ne’ebé mak troka ninia fatin, tenke hatudu sentidu nasionalizmu, patriotizmu no lealdade ba estadu hodi lidera instituisaun F-FDTL.

“Aban bainrua se mak troka ami katuas sira ne’e, ami prepara ona balu ba hasai kursu iha rai Portugal, Australia no China. Sira ne’e preparadu ona, maibé la’ós sira preparadu ba nasionalizmu.

Lee Mós :
Taur rekoñese Limitasaun Sira tanba “Karreta Roda Tolu”, Maibé deklara iha Rekuperasaun no Aselerasaun ba Kreximentu Ekonómiku

Agora sira nia nasionalizmu no patriotizmu tenke makaas no sira nia lealdade ba estadu, governu no leál ba malu mak tenke prinsipál. Tanba ita nia jerasaun foun sira ne’e arrogánsia, egoízmu no espíritu individual mak sei makaas.” Lider F-FDTL ne’e subliña. (jry)

 1,158 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Lere hetan Kontaktu Kandidatu ba Prezidente Rep…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No