Timor Post (17/03/2021)—Primeiru Ministru Taur Matan Ruak deside suspende tiha reuniaun konsellu ministru ba semana rua hodi fó oportunidade ba ministériu ida-idak liuliu Ministériu Finansas, Ministériu Koordenador Ekonomia
“Semana oin konsellu ministru laiha, ohin kuarta konsellu ministru laiha. Ne’e tanba saida, ha’u hakarak fó ba ministru sira, tempu para prepara sira nia planu no programa aprejenta ba ha’u,” Taur hatete kestaun ne’e ba Jornalista sira bainhira hato’o pergunta kona-ba levantamentu Orsamentu Jerál Estadu (OJE) 2021 nian.
Taur la fó resposta detallu kona-ba orsamentu iha ka laiha, maibé dehan de’it durante nia fó tempu ba membru governu sira halo planu no programa atu oinsá mak bele difini pasu saida maka bele halo hodi fó resposta ba situasaun iha rai laran.
Ohin, Taur hasoru malu ho Prezidente Repúblika Francisco Guterres Lú Olo hodi informa situasaun rai laran no afirma governu nia esforsu sira iha luta kontra moras daet COVID-19.
Taur dehan, situasaun rai laran sei iha hela kontrolu nia laran. Liuliu parte saúde sira kontinua esforsu hodi buka tuir kazu pozitivu sira, no governu deside serka sanitária no konfinamentu obrigatóriu hodi evita moras daet ba populasaun sira. (cao)
585 total views, 3 views today
Bele hare Video Seluk :