Timor Post (17/03/2021)—Primeiru Ministru Taur Matan Ruak informa ba Prezidente Repúblika Francisco Guterres Lú Olo kona-ba situasaun rai laran ne’ebé nia rasik afirma seidauk lakon kontrolu liuliu luta kontra moras daet COVID-19.
Taur haktuir esforsu hotu ne’ebé governu halo durante ne’e ba Lú Olo.
“Situasaun agora ne’e sei iha hela kontrolu, ita seidauk lakon kontrolu. Tanba ne’e, ha’u apela ba ita nia populasaun, inan-aman sira túr hakmatek,” Taur subliña ba Jornalista sira hafoin reuniaun ho Xefe Estadu iha Palásiu Prezidensial, Bairro Pite, Dili, ohin.
Resposta ba preokupasaun husi Sekretáriu Jerál FRETILIN Marí Alkatiri katak, prezidente repúblika ho primeiru ministru nonok de’it iha situasaun atuál, Taur dehan, tenke fó fi’ar ba sira mak lidera hela nasaun.
“Tanba ne’e ita kalma de’it, pior liu maka kuandu ita pániku, balu dehan tanba saida mak prezidente, primeiru ministru la hatete buat ida. Ami na’in rua ne’e mai husu funu, nebe situasaun hanesan ne’e ami la hakfodak ida, kalma hela de’it, tenang de’it,” Taur Matan Ruak hatete. (cao)
1,345 total views, 3 views today
Oinsa Ita nia Reaksaun iha Notisia Nee?
Bele hare Video Seluk :
Sorry, there was a YouTube error.