ADVERTISEMENT

COVID-19: Governu Kriminaliza Sidadaun Sira Kontra Bandu Serka Sanitária no Konfinamentu Obrigatóriu  

Timor Post - Dili
  • Share
Imajen ne’e hatudu populasaun sira iha Dili ba hobut iha Ministériu Interior hodi husu karta lisensa viajen ba munisípiu seluk. Foto TP/Maria Lízia

Timor Post (10/03/2021)—Governu lideradu Primeiru Ministru Taur Matan Ruak liuhusi reuniaun konsellu ministru hatúr ona referénsia ida ba kódigu penál hodi kriminaliza sidadaun sira ne’ebé kontra regra serka sanitária no konfinamentu obrigatóriu.

Ministru Prezidénsia Konsellu Ministru Fidelis Leite Magalhães subliña, lei ne’e vale ba sidadaun hirak ne’ebé lakohi obidiese, tanba moras daet COVID-19 nu’udar moras mundiál ne’ebé perigu tebes ba ema nia vida.

“Kriminaliza hirak ne’ebé maka lakohi obiedese ba medidas sira,” Fidelis subliña hafoin reuniaun konsellu ministru, ohin.

Entretantu iha reuniaun konsellu ministru mós halo ona deliberasaun dahuluk ba rejolusaun governu nian 12/2021— 8 Marsu kona-ba serka sanitáriu no konfinamentu obrigatóriu.

Ho alterasaun ida ne’e hatur mudansa balun ne’ebé aprova tiha ona antes ne’e. Katak, ema sé de’it husi munisípiu sira atu tama mai Dili tenke iha autorizasaun husi Ministériu Interior no informa ba Sentru Integradu Jestaun Krize (SIJK).

Ho presupostu, Fidelis hatutan, tama mós labele sai mós labele. Só bele tama no sai ba sira ne’ebé mak hetan autorizasaun husi Ministériu Interior ho rajaun karater urjente liuliu lori aihan sira sai husi munisípiu Dili ou tama, fornese servisu sira ba seguransa, halo evakuasaun ba ema moras.

“Hirak ne’e mak sei hetan autorizasaun,” Fidelis salienta.

Governante ne’e mós dehan, konsellu ministru mós deside ona atu halo para transporte públiku sira ne’ebé maka lori pasajeirus barak tanba fó risku ba saúde públiku. (cao)

 765 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “COVID-19: Governu Kriminaliza Sidadaun Sira Kon…” A few seconds ago

Lee Mós :
Solusaun ba Prevensaun Dezastre Inundasaun

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No