ADVERTISEMENT

Embaxada Xina Apoiu Maskara Rihun-40 ba Komunidade Kovalima

Timor Post - Cova Lima · Internasional
  • Share

Timor Post (04/03/2021)—Governu Repúblika Popular Xina liuhusi Embaxada iha Timor-Leste ofisialmente entrega maskara hamutuk rihun-40 ba Vise Ministru Estatal Lino de Jesus Torezão hodi fahe ba komunidade sira iha Kovalima.

Iha serimónia entrega, Embaxador Xiao Jianguo subliña, sente kontente tebes tanba bele ajuda populasaun sira iha fronteira espesialmente Munisípiu Kovalima, hodi prevene moras daet COVID-19.

“Doasaun ida ne’e sai hanesan testamña hodi haforsa relasaun di’ak entre komunidade rua (Timor-Leste ho Xina),” Embaixadór Xiao hatete iha nia intervensaun iha Embaixada Xina, Praia dos Coqueros, Dili.

Nia hatutan, asaun sosiál ne’e mós manifesta komitmentu governu Xina nian hodi ajuda Timor-Leste.

Iha fatin hanesan, Vise Ministru Estatal Lino  de Jesus Torezão, sente orgullu resposta Embaixadór nian ba preokupasaun komunidade Kovalima nian.

“Ha’u orgullu ba embaxada Xina tanba atende ho lalais preokupasaun husi komunidade Kovalima,” Governante ne’e subliña.

“Buat ne’ebé ita simu agora ita tenke fahe ba sira ne’ebé presija,”  Lino Torezão salienta.

Prezidente Komisaun E Abel Pires da Silva, partisipamós iha serimónia entrega no simu apou ne’e no konsidera Xina hanesan belun di’ak ne’ebé sempre fó apoiu ba timoroan sira iha tempu difisil.

“Embaxada Xina hanesan belun di’ak tanba iha situasaun hanesan ne’e ho lalais bele ajuda ita,” Abel nu’udar mós Kovalima oan.

Partisipa mós iha serimónia ne’e Administrador Kovalima.

Entretantu governu kontinua aplika serka sanitária iha munisípiu Kovalima, maibé fó fleksibilidade atu ema transporta sasán hanesan ai-han, nesesidade bázika no medikamentu ba munisípiu ne’e.

Governu hola desizaun ne’e liuhosi reuniaun Konsellu Ministru (KM) hodi halo aprovasaun ba projetu Rezolusaun Governu, ne’ebé renova impozisaun serka sanitária iha munisípiu Covalima.

Mantein bandu deslokasaun hosi munisípiu ida-ne’e bá munisípiu seluk, entre oras 00:00 loron 04 marsu 2021 to’o oras 23:59 iha loron 02 abríl 2021. Ministru Interiór bele mós autoriza deslokasaun ema no merkadoria, ho fundamentu razaun umanitária ba protesaun saúde públika, seguransa públika ka interese públiku, no define kondisaun saida maka presiza realiza.

Hafoin avalia situasaun sira, Konsellu Ministru deside hapara serka sanitária iha munisípiu Bobonaro tanba tuir relatóriu hosi Ministériu Saúde katak munisípiu ne’e la rejista kazu transmisaun lokál. (Lj1)

 1,212 total views,  9 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Embaxada Xina Apoiu Maskara Rihun-40 ba Komunid…” A few seconds ago

Lee Mós :
COVID-19: Movimentu Ilegal iha Fronteira, PM Taur Taur bolu Urjente Brigadeiru Aluc

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No