ADVERTISEMENT

Defeza ba Kazu Eis Padre Amerikanu husu Lejada ho Sasin Sira ba Presta hotu Deklarasaun iha Tribunál

Timor Post - Raeoa
  • Share

Timor Post (23/02/2021)—Defeza ba kazu Eis Padre Amerikanu ho naran Richar Dascbach halo opozisaun ba rekerimentu husi Ministériu Públiku atu lejada sira la presiza ba presta deklarasaun iha tribunal maibé liu de’it husi telekonfrensia.

Defeza husu ba Tribunál Rejiaun Oekusi atu ho meius hotu fasilita lejada sira marka hotu prezensa iha sala audensia.

Advogadu Miguél Faria via telefone ba Timor Post subliña, pozisaun ne’e sira foti tanba hatene katak Tribunál Rejiaun ne’e ho autoridade seguransa sira iha kapasidade atu fasilita  no asegura prosesu hirak ne’e ho di’ak.

“Julgamentu ohin, ministériu públiku halo rekerimentu ida husu ba tribunál katak lejada ho testemuña (sasin) sira fó sira nia deklarasaun liuhusi telekonfrensia, maibé (tribunál) husu fali mai defeza halo opozisaun ba rekerimentu ne’e,” Advogadu Miguel hatete.

Julgamentu ba loron daruak kontinua rona deklarasaun husi arguidu ne’e taka ba públiku.

Advogadu Miguel informa, nia kliente sei fila-fali ba Dili hodi hein prosesu julgamentu tuir mai.

Richard ho idade 84 hetan akujasaun husi Ministériu Públiku komete kazu pedofilia ka halo relasaun seksuál ho labarik sira iha orfanatu ne’ebé nia rasik mak funda dezde tempu Indonézia iha Kutete-Pante Makasar, Rejiaun Oekusi.

Richard Dascbach, moris iha loron 26 Janeiru 1937 iha Pennsylvanian, Estadus Unidu Amérika (EUA) lori misaun evanjelizasaun Katólika tama iha Oekusi iha tinan 1972.

Nia ordena sai padre iha tinan 1965, no liu tinan rua de’it, nia mai ona Nusa Tenggara Timur (NTT) no ikus liu tama ba Ambeno iha tinan 1972.

Invazaun Indonézia mai Timor-Leste, nia hela iha Oekusi to’o tinan 1999 no konsege subar joven lubuk ida hosi atakasaun pro-integrasionista.

Durante hala’o misaun evanjelizasaun, nia harii uma mahon ida ho naran Topu-Honis (Guide To Life) iha tinan 1993 ho objetivu atu fó mahon ba labarik kbi’it la’ek sira. (cao)

 701 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Defeza ba Kazu Eis Padre Amerikanu husu Lejada …” A few seconds ago

Lee Mós :
SEFOPE Hasoru Malu ho Presidente Autoridade RAEOA

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No