Timor Post (23/02/2021)- Prezidente Konsellu Administrasaun Timor Gap, Antonio Loiola de Sousa hatete, iha tempu semana 3 nia laran tan mina ba sentrál elétrika Betanu mai ona.
Sousa hatutan oras ne’e Timor GAP halo hela ejersisiu kona bá kontratu ne’ebé atu asina ho Eletrisidade Timor-Leste (EDTL I.P), tanba uluk kompaña balun maka importa mina mai.
“Sim ami ho EDTL sei iha diskusaun hela, sei hare kontratu ne’ebé mak sei asina ho EDTL no ami mós halo ona ami nia ezersisiu, tanba ne’e iha kompañia balun ne’ebé mak servisu ho sira hodi fornese mina ba Betanu, tuir dekretu lei ne’ebé mak antes ne’e Primeiru Ministru, Taur Matan Ruak hatete, atu invite (konvida) Timor Gap hamutuk ho Ministériu Obras Públika ho EDTL I.P hodi fornese mina ba sentru elétrika Betanu”, informa Loiola iha Palasiu Governu, Tersa (23/02).
Nia konklui katak asina tiha konta hosi ne’e semana tolu mina mai ona Timor-Leste.
“Hein depois kontratu ami asina tiha, hosi ne’e semana tolu ba oin ami bele hatama mina mai ona”, nia promete.
Sentrál Elétrika Betanu situada iha Betanu Postu Administrativu Same Munisípiu Manufahi, ne’ebé Governu harii hodi fornese eletrisidade iha parte Kosta Súl, enkuantu hosi parte norte fornese hosi sentrál elétrika Hera, Suku Hera Postu Administrativu Metinaru Munisípiu Dili.
Jornalista: Jaime Pires
Editor Mariano Martins
1,209 total views, 3 views today
Oinsa Ita nia Reaksaun iha Notisia Nee?
You have reacted on “Timor Gap Garante Fornesimentu Mina ba Sentrál …”
Bele hare Video Seluk :
Subscribe to Timorpost1
/
1949
TENKE REKRUTA JERASAUN FOUN REFORSA BOMBEIROS
ASANAMI HUSU TENKE APOIU BOMBEIROS
ASANAMI: ONRA BA TIMOR LESTE SELEBRA REVOLUÇÃO DOS CRAVOS BA DALA-50
1
/
1949
