Timor Post (22/02/2021)-Servisu Rejistu no Verifikasaun Emprezariál (SERVE-sigla Portugés) rejista kampaña 120 maka taka atividade, kampaña internasionál Heineken despede nia traballadór na’in 18.
Situasaun ne’e Deputada Bankada (CNRT), Virginia Ana Belo, kestiona tanba sá Governu la loke kréditu ba kompañia enkuantu Governu iha programa moratória ba kréditu.
“Iha orsamentu 2020, iha mós orsamentu ida ho naran moratória ba kréditu, ne’ebé mak tau iha $5 milloes, iha mós medida ba apoiu ba setór privadu, orsamentu sira ne’e ezekuta ka lae ? orsamentu ne’e iha tanba saida mak husik hela de’it empreza sira taka, depois nia impaktu ne’e traballadór sira, tanba kompañia sira kuandu taka nia impaktu ne’e ba ona iha traballadór sira, hanesan akontese iha kompañia HENEIKEN, sira despede ona traballadór timoroan na’in (18), situasaun sira ne’e governu hare hela maibé osan $5 milloes no $7 milloes ne’e halo de’it saida mak labele ajuda kedas ba kompañia sira iha ita nia rai ne’e”, kestiona deputada iha reuniaun Plenária segunda (22/02).
Deputada hosi bankada (CNRT), Virginia Ana Belo preokupa tebes tanba kompañia hamutuk (120), resin mak taka ona sira nia empreza iha Timor-Leste.
“Tuir informasaun ne’ebé mak hosi SERVER katak kompañia 120 taka ona sira nia empreza ka la kontinua ona sira nia negósiu, tantu nasionál no internasionál” informa deputada.
Reprezentante povu ne’e duvida orsamentu ba apoiu empreza sira nian iha maibé osan ne’e ba ne’ebé no ezekuta halo nusa mak empreza sira bele mate taka sira nia negósiu.
Jornalista Jaime Pires
Editór Mariano Martins
993 total views, 3 views today
Oinsa Ita nia Reaksaun iha Notisia Nee?
You have reacted on “Kompañia 120 Maka Taka Ona, Heineken Despede Tr…”
Bele hare Video Seluk :
Subscribe to Timorpost
