ADVERTISEMENT

CPN-CNRT La Konkorda TIR Prolonga Indefinitivamente

Timor Post - Jeral
  • Share

Timor Post (16/02/2021)- Membru Konsellu Politika Nasional (CPN) partidu CNRT  Tersa (15/02) deklara la konkorda  Termu Identidade Rezidensia (TIR) ne’ebé Ministeriu Publiku (MP) aplika membru CPN-CNRT sira prolonga indefenitivamente.

Estrutura CPN-CNRT hato’o preokupasaun ne’e tanba konsidera liu tiha ona loron 10  MP  seidauk kontinua prosesu membru CPN sira ne’ebé antes simu ona TIR.

“Iha loron 14 fulan Janeiru liu ba, Virgilio Smith, Jacinto Viegas, Jacinto Rigoberto ho Bendito Freitas, iha fali loron 5  Fevereiru ne’e, Tomás Cabral,  no Francisco da Costa Guterres. Tanba liu tiha ona loron Sanulu, membrus Komisaun Polítika Nasional hato’o sira-nia preokupasaun kona-ba kontinuasaun ba prosesu ne’e, tanba sira hotu simu TIR ne’ebé impede liberdade  movimentus, la-ós de’it nu’udar membrus CPN maibé mós hanesan sidadaun”, hateten Sekretariu Jeral CNRT Jacinto Rigoberto liu hosi konferensia imprensa, hafoin lidera reuniaun iha Bairu Grillus, Tersa (16/02).

Rigoberto  hatutan iha análize ne’ebé membrus CPN halo, sira expresa sira-nia hanoin katak, tuir Prokurador-Jeral da Repúblika fó sai, iha loron 5, fulan Janeiru, tinan ida ne’e, molok sai husi audiênsia ho Prezidente da Repúblika, karik Ministériu Públiku sei bolu mós Deputados Ruanulu Resin ida husi Bankada CNRT.

Rigoberto hatete CPN-CNRT hein, bainhira maka Parlamentu Nasional ‘hasai imunidade’ husi Deputadus CNRT nian atu bá aprezenta-an iha Ministériu Públiku, hodi prosesu ne’e bele la’o ba oin.

 “Membrus Komisaun Polítika Nasional Partidu CNRT, hein ho esperansa katak Ministériu Públiku halo duni servisu ne’ebé di’ak no lais, tanba membrus CPN la konkorda ho TIR atu prolonga indefinidamente” hakotu Jacinto.

Entertantu Membru CPN-CNRT sira hetan TIR nu’udar arguidu relasiona ho keixa ne’ebé  Sekretariu Jeral Partidu FRETILIN Marii Alkatiri submete ba Ministereiu Publiku konaba akuzasaun simu soburnu iha prosesu negosiasaun Mina Tasi Timor.

Jornalista                            : Jaime Pires

Editor                                    : Mariano Martins

 1,533 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “CPN-CNRT La Konkorda TIR Prolonga Indefinitivam…” A few seconds ago

Lee Mós :
Anin Boot Durante Loron Tolu Uma Kuaze Sanulu Resin Iha Remexio Hetan Estragus

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No