ADVERTISEMENT

Governu Taka Total Movimentu Tama Sai Munisípiu Bobonaro ho Kovalima

Timor Post - Bobonaro · Cova Lima · Raeoa
  • Share

Timor Post (15/02/2021)—Governu liuhusi Konsellu Ministru Extraordinária taka total movimentu iha munisípiu Bobonaro no Kovalima tanba ema tama sai ilegal husi fronteira hodi provoka moras daet COVID-19 sa’e no posibilidade boot ba transmisaun lokal.

Serka sanitaria iha munisípiu rua ne’e atu evita mós virus foun SARS-Cov-2 ne’ebé hamate mós ema barak ona iha mundu.

“”Komesa hosi orsida tuku 23:59 hahú ona munisipiu rua Bobonaru no Kovalima, labele halo viajen ba mai, hanesan mai Dili no mós ba munsipiu seluk to’o loron 03 fulan Marsu oras hanesan,” Ministru Prezidensial Komsellu Ministru, Fidelis Leite Magalhães, haktuir ba Jornalista sira hafoin Konsellu Ministru foti desizaun iha Palásiu Governu, Segunda (15/02/2021).

Portavoz Governu ne’e dehan, movimentu ilegal perigu tebes ba nasaun.

Nia dehan, atu akautela saúde públika populasaun no impede akorrensia transmisaun komunitaria hosi SARS-CoV-2 iha territóriu nasionál.

Ho projetu rezolusaun ne’e hanesan intertida dezlokasaun sira entre munisípiu sira ne’e no munisípiu seluk.

Nia mós esplika, kona-ba atividade ekonomika inklui mós hanesan igreja iha munisipiu rua ne’e, miniateriu saúde no ministeriu edukasaun juventude no desportu mak sei enkontru hodi desise medida sira ne’ebé mak atu implementa iha munsipiu rua ne’e nia laran.

Maibé governu ohin deside ne’e, taka hodi labele halo viajen ba mai hosi munsipiu rua ne’e ba munisipiu seluk, inklui mós hosi munisipiu seluk ba munisipiu rua ne’e.

Jornalista Jaime Pires

Editór Noémio Falcão

 1,321 total views,  9 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Governu Taka Total Movimentu Tama Sai Munisípiu…” A few seconds ago

Lee Mós :
Ho Xanana Fila, Labarik Sira iha Orfonatu Topu Honis Tanis Tuir Eis Padre Richard iha Portu Mahata

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No