Timor Post (15/02/2021)—Sidadaun ida tama ilegal husi Indonézia liuhusi fronteira Mota-ain ba Dili no liu ba to’o nia moris fatin Postu Administrativu Turiskai, Munisípiu Manufahi, ekipa vijilánsia husi Sentru Saúde Turiskai koopera ho autoridade polisiál ba lori obrigatóriu hatama iha kuarentena ótel Novo Horizonte, Dili.
Tuir kronolojia ne’ebé fó sai husi Dermatolojista Kordenadóra Jerál Komisaun COVID-19, Odete da Silva Viegas, sidadaun mane ho idade-36 ne’e hala’o viájen husi Indonézia (Surabaya-Kupang-Atambua) iha 9 fevereiru. 11 fevereiru husi Atambua tama mai Timór liuhusi dalan ilegál área Batu-Gede nian. Husi Batu-Gede mai Dili ho Bus (transporte públiku) diresaun Maliana-Dili no tuun iha terminál Tasi-tolu.
Iha Tasi-tolu, nia família hein kedas no tula fali nia ho motór ba Turiskai. To’o iha Turiskai iha iha kalan tuku 09:00, Polísia no ekipa vijilánsia husi Sentru Saúde Turiskai foti kedas sidadaun refere lori bá triajen iha Sentru Saúde Turiskai.
Sentru Saúde Turiskai komunika ba pontu vokál vijilánsia iha Serbísu Saúde Munisípiu (SSM) Manufahi no pontu vokál mós informa direta ba parte vijilánsia nasionál no Diretóra SSM Manufahi.
SSM Manufahi infrenta difikuldade transporte, maibé lakonsege refere illegál ne’e mai Dili nune’e sidadaun ilegál toba kalan ida iha triajen Sentru Saúde Turiskai.
Nune’e, iha loron (12/2) ekipa vijilánsia kordena ho ekipa CIGC bá tula ona ilegál hodi submete ba kuarentena iha ótel Novo Horizonte, Dili.
Swab teste foti iha 12 fevereiru no rezultadu PCR Test hatudu ilegál ne’e negativu Covid-19.
Entretantu tuir dadus husi Sentru Integradu Jestaun Krize (SIJK) ne’ebé fó sai iha loron 14 fevereiru 2021, rejista pasiente COVID-19 ba agora dadauk baixa hela iha sala izolamentu hamutuk na’in-40. Nune’e, Sura hamutuk pasiente sira ne’ebé rekopera ona hahú husi fulan Marsu 2020, Timor Leste rejista pasiente hamutuk 102. (cao)
1,947 total views, 9 views today
Oinsa Ita nia Reaksaun iha Notisia Nee?
You have reacted on “Sidadaun Ida Tama Ilegal husi Indonézia too Tur…”
Bele hare Video Seluk :
Subscribe to Timorpost
