Timor Post (04/02/2021)- Adjunta Prezidente Autoridade Rejiaun Espesiál Oekusi Ambenu (REAEOA), Leonia Monteiro, aprezenta konta jerál estadu (RAEOA) ninian ba Parlamentu Nasionál.
“Ohin ha’u mai relata relatóriu konta jerál estadu (RAEOA) ninian, ne’ebé mak aprezenta ona relatóriu iha tinan 2019 ninia ba tribunal das kontas, hosi ne’e mak ami mai iha Parlamentu komisaun C, relata informasaun ne’ebé mak bele halo kompleta ba duvida deputadu sira nia”, Leonia informa ba jornalista sira iha Parlamentu Nasionál, kinta (04/02).
Monteiro subliña, 2019 OJE aloka ba RAEOA tokon 76, transfer liu hosi lei orsamentu jerál estadu liu hosi transferénsia publika, to’o iha Oekusi halo dezagregasaun tuir kategoria orsamentu jerál estadu, saláriu vensimentu, bem servisu, kapitál menór no mós kapitál dezenvolvimentu.
“Ezekusaun sira ne’e halo ona relatóriu ba tribunal das kontas iha dia 01 de Setembru de 2020 ba 2019 ninian, tuir lei dia 30 de Maiu ne’e entrega ona relatóriu. Maibé entrega relatóriu tarde tanba iha 2019 iha mudansa lideransa, hanesan Mari Alkatiri nia mandatu remata iha tinan 2019, entaun mandatu troka fali hosi José Luis Guterres nian iha fulan haat nia laran atu entrega iha tinan 2020 ne’e maibé momentu ne’ebá la konsege hato’o relatóriu ba tribunal das kontas entaun mandatu foun fali lidera hosi Arsénio Bano, foin aprezenta”, haktuir Leónia.
Jornalista : Jaime Pires
Editor : Mariano Martins
747 total views, 3 views today
Oinsa Ita nia Reaksaun iha Notisia Nee?
Bele hare Video Seluk :
1
/
1949
TENKE REKRUTA JERASAUN FOUN REFORSA BOMBEIROS
ASANAMI HUSU TENKE APOIU BOMBEIROS
ASANAMI: ONRA BA TIMOR LESTE SELEBRA REVOLUÇÃO DOS CRAVOS BA DALA-50
1
/
1949