Timor Post (29/01/2021)-Governu halo ona esforsu halo mitigasaun no prevensaun ba tranzmisaun Covid-19 rezultadu hatudu timoroan sidauk mate tanba kazu Covid. Hosi ángulu Akademista nian moras seluk ne’ebé oho timoroan tanba la tau atensaun.
“Ita tenke fó atensaun maske Covid-19 ita susesu mas tenke haree mós moras seluk, Ministériu Saúde tenke toma atensaun ba ida ne’e se lae hanesan de’it, ita bele fó dadus ba mundu katak Covid la afeta ba Timor oan mate, mas mate hosi moras seluk ne’e kontinua tanba la tau atensaun”, hateten Vitor Soares, bainhira entrevista ho Timor Post iha nia servisu fatin Kampus UNTL Kaikoli Sesta (29/01).
Vitor hatutan moras seluk ne’ebé ita la fó atensaun ataka fali ba sidadaun sira, nia husu Governu tenke tau atensaun hanesan ho tau atensaun ba surtu Covid.
‘Hanoin governu liuliu ministériu saúde tenke tau atensaun mós ba moras sira seluk tanba ha’u haree durante ne’e moras dengue de’it ataka tiha labarik 60 resin, matebian deputadu Sabino Soares Guntur hakotu iss tanba sofre moras (la’ós Covid), Governu tenke tau atensaun labele foka liu de’it ba iha Covid-19 ne’e tanba moras seluk halo ema mate barak ona”, Vitor ba Timor Post iha nia serbisu fatin Kampus UNTL Kaikoli Sesta (29/01).
Jornalista : Julio Salinas Soares,
Editor : Mariano Martins
654 total views, 3 views today
Oinsa Ita nia Reaksaun iha Notisia Nee?
Bele hare Video Seluk :
Sorry, there was a YouTube error.