ADVERTISEMENT

Osan Milaun $14 ba Ró Haksolok La Prenxe Rekizitu Efisiénsia no Efikásia iha OJE 2021

Timor Post - Jeral
  • Share

Timor Post (19/01/2021)-Bankada CNRT liuhosi konferénsia imprensa iha Parlamentu Nasionál, Tersa (19/01), deklara CNRT haree  OJE 2021 la prienxe kritériu ne’ebé hatuur iha konstituisaun RDTL,  artigu 145  katak OJE  tenke kaer ba prinsípiu efikásia no efisiénsia.

“Ami haree katak OJE ba 2021 la kaer ba prinsípiu efikásia no efisiénsia tanba iha orsamentu ne’e prevee fali osan millaun $ 14 ba iha Ró-ahi Haksolok ne’e la prienxe rekizitu efikásia no efisiénsia”, realsa deputada bankada CNRT Carmelita Moniz.

Deputada ne’e afirma mós katak   OJE 2021 la kumpre lei jestaun finanseiru ne’ebé sai nu’udar mata dalan OJE.

“ Hosi (OJE) ninia estrutura orsamentu ne’e la prienxe tiha ona, katak estrutura ne’e tenke iha  títulu kapítulu,  tenke iha verba kompletu. Orsamentu ne’e rasik iha livru sia mas entre primeiru lei sira OJE ne’ebé atu ajuda deputadu sira hodi hatene loloos orsamentu ne’e la hanesan”, hatutan deputada ne’e.

Ida fali nia dehan lori lei orsamentu jerál estadu 2021 atu alitera fali lei orsamentu jestaun finanseiru, lei orsamentu jestaun finanseiru hatete katak, transferénsia entre rubrika  ne’e labele liu hosi porsentu 20, mas lei OJE 2021 iha artigu 14 ne’e,  hatete katak bele halo transferénsia entre rubrika liu porsentu 20, maibé orsamentu sira tau tiha orsamentu kada programa.

“Se ita  tau orsamentu kada programa, ne’e fiksu, programa ne’e la hala’o, orsamentu la gasta” kestiona deputada.

Hatán ba deklarasaun bankada Partidu Libertasaun Popular (PLP), katak CNRT hodi dezesperu atu impede ejekusaun OJE 2021, Vise-Xefe Bankada CNRT Patrocinio Fernandes hatete CNRT hanesan opozisaun halo funsaun tuir mandatu konstituisaun artigu 150 alinea (e).

“Bankada CNRT laiha intensaun atu blokeia funsionamentu governu defaktu ninian ka impede orsamentu estadu, maibé bankada CNRT konsidera OJE 2021 ne’e viola regras konstituisionais no lei orsamentu jestaun finanseiru, tan ne’e CNRT fo pedidu fiskalizasaun abstrata OJE  nian ne’e”, deklara Vise Xefe Bankada CNRT, Patrocínio Fernandes.

                Patrocinio reafirma katak bankada CNRT iha obrigasaun atu asegura katak lei orsamentu jerál estadu tenke iha ninia konfirminidade ba iha konstituisaun no lei orsamentu jestaun finanseiru.(Jornalista: Julio Salinas Soares, Editor: Mariano Martins)

 1,051 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Osan Milaun $14 ba Ró Haksolok La Prenxe Rekizi…” A few seconds ago

Lee Mós :
Konsellu Ministru Aprova Ona Orsamentu Duodesimál Millaun U$ 116.4

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No