DILI—Governu liuhusi Konsellu Ministru aprova ona proposta Orsamentu Jeral Estadu (OJE) foun ba tinan 2020, iha loron Kinta (19/12/2019) ho total billaun $1.6.
Komunikadu imprensa fo sai husi Palasiu Governu haktuir, total OJE ne’e, (despeza públika estimada tuir orden $1.668 millaun / millaun rihun ida atus-neen neen-nulu resin-ualu) inklui reseita ne’ebé mai husi RAEOA/ZEEMS, UE no Empréstimu, hodi kobre ba nesesidade tomak programa no prioridade nasional sira ne’ebé governu daualu define ona.
Husi valór ne’e, sei aloka ba saláriu no vensimentu $235,610, aloka ba bens no servisu $583,800, aloka ba transferénsia públika $328,206 no aloka ba capital dezenvolvimentu $31,488,837.
Proposta foun ne’e mosu tanba governu iha loron 6/12/2019 retira proposta inísiu ho total billaun $1.95 husi parlamentu nasional tanba haree ba nesesidade prinsipál husi orsamentu nian ba nasaun no preokupasaun husi deputadu sira Parlamentu Nasionál nian, hanesan hakerek iha relatóriu sira ne’ebé aprezenta ona.
Durante ne’e governu halo revizaun no halo versaun foun husi proposta ne’e no tuir ajenda haruka ba Parlamentu Nasionál iha loron 13/12/2019, maibe governu husu prolonga tempu maka sei haruka ba parlamentu nasional iha loron 19/12/2019. (cao)
709 total views, 3 views today
Bele hare Video Seluk :