ADVERTISEMENT

Aimoruk ba Moras Tensaun iha Fasilidade Saúde Laiha

Timor Post - Saude
  • Share

Timor Post (21/12)—Reprezebtante povu iha uma Fuku Parlamentu Nasionál, liu hosi bankada FRETILIN, Deputada Gabriel Soares, kestiona aimoruk ba moras tensaun nian oras  ema daudaun iha fasilidade saúde sira laiha.

“Agora daudaun ami simu ona mensajem ida katak iha postu saúde sira infrenta hela aimoruk kontrolasaun tensaun nian kuaze fulan ida ona laiha,” Deputada Gabriel kestiona iha plenaria Parlamentu Nasional,  Segunda (21/12/2020).

Nia haktuir, kuaze fulan ida ona mak aimoruk laiha, tanba ne’e husu ba Ministériu Saúde atu tau atensaun ba problema ida ne’e.

“Ita hakarak husu ba ministeriu saúde atu bele tau atensaun ba ida ne’e tanba oras ne’e daudaun maluk Timor oan barak mak mate tanba moras kauza hosi tensaun, maibé tuir informasaun ne’e ami simu katak kuaze fulan ida ona mak aimoruk kona-ba tensaun ne’e iha fasilidade saúde sira laiha,” nia informa.

TO’o notísia ne’e hatun, Jornalista Timor Post seidauk konsege hetan konfirmasaun husi Ministériu Saúde no SAMES rasik.

Fatin hanesan Vise Prezidente Parlamentu Nasioná Deputadal, Maria Angelina Sarmento, husu ba governu halo politika ida kona-ba oinsa fo atensaun ba funsionáriu sira ne’ebé mak uluk fas parte ba iha rejistensia, ne’ebé sira hetan tortura sira hetan violasaun oi-oin ohin loron sira sofre konsekuensia, liuliu funaionáriu sira ne’ebé tama ona ba idade 50 ba leten, sira nia produtividade tuun.

“Ita haree sira nia produtividade tuun, laos sira mak lakohi serbisu, maibé sofre konsekuensia hosi moras sira ne’ebé hetan hosi tortura durante tempu rejistensia nian, sira ne’ebé tinan 50 ba leten ne’e ita haree barak mak la halo komplein ka la hato’o sira nia difikuldade sira ne’e maibé sira sente no dala ruma sira hasoru moras ne’ebé atu hetan asesu ba tratamentu saúde ho nune’e  hau husu ba governu ministeriu asuntu veteranus nian atu bele fo prioridade laos ba ema sira ne’ebé hetan ona benefisiu hosi politika ida hetan subsidio ho pensaun sira ne’e maibé ba funsionarounsira ne’ebé mak barak ita haree sofre moras moras ne’e  mai la hato’o keixa,” nia esplika.

Nia afirma, iha ikus-ikus ne’e akompana liu hosi media sosial akompana notisia maluk mate restu sira liuliu sira hosi 12 Novembru kada semana sempre rona katak ida ne’e mate,  ida ne’eba mate, talves ida ne’e mos kauza hosi sofrementu hosi masakre santa kruz.

“Ida ne’e ita bele dehan iha momentu militar Indonézia sira tiru, bele mos kilat ne’ebé sira tiru nene’e iha kontaminadu ho veneno ruma, ne’e mak ita haree kada semena ita sempre rona sira mate beibeik ho nune’e  mak ami husu ba governu atu fo atensaun ba ida ne’e,” nia dehan.

Jornalista: Júlio Salinas Soares

Editór: Noémio Falcão

 1,782 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Aimoruk ba Moras Tensaun iha Fasilidade Saúde L…” A few seconds ago

Lee Mós :
COVID-19: Atividade buka tuir Moras TBC iha Timor Leste Paradu

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No