ADVERTISEMENT

Iha Vikeke, Falur Rate Laek: Xanana ho Horta Líder Ezemplar

Timor Post - Viqueque
  • Share

Timor Post (28/09/2020)—Brigadeiru Jenerál FALINTIL F-FDTL, Falur Rate Laek konsidera Kayrala Xanana Gusmão ho José Ramos Horta nu’udar líder ezemplar ne’ebé timoroan tomak liuliu politiku nain serasaun foun sira tenke banati tuir.

Falur hatete, líder nain rua ne’e kontinua hatudu sira nia vontade no espíritu durante tempu rejisténsia to’o agora hodi hakbesik-an ba povu sira no halo esforsu hotu hanesan aman ba nasaun foun Timor Leste.

“Ha’u hakarak dehan, asaun ne’e hanesan hahalok ida sai mós aikakesak, no masin ba tempera peregrinasaun ema matenek sira ne’ebé hakarak aban bairua ukun nasaun ida ne’e ho sentinasaun ba povu,” Falur subliña kestaun ne’e bainhira partisipa iha sorumutu Líder Nasionál Xanana Gusmão ho Premiadu Nobel da Paz Ramor Horta ho povu Aldeia Dilor, Suku Luca, Postu Administrativu Lakluta, Munisípiu Vikeke.

Nuudar veteranu rezistensia, Falur dehan, Xanana ho Horta hala’o daudaun asaun karidade ne’e la’ós foin hala’o, maibé iha tempu rejisténsia líder boot na’in rua ne’e liuliu Xanana hatudu ona ninia domin ba povu.

Partisipa iha eventu ne’e, Eis Ministru Negosiu Estranjerus, José Luis Guterres (LUGU), Veteranu Tera Mau Bulak, António Aitahan Matak, Veterana Bisoi no Biloi Mali, Aautoridade sira husi Vikeke.

Falur dehan, iha tempu rezistensia iha fatin rezisténsia Lalini-Vikeke duni maka, Xanana Gusmão halo mudansa ba luta Timor-Leste nian hodi haruka karta ba Sudozu Bispo Don Martinho Lopes fó sai ba rai liru hodi ko’alia kona-ba Timor-Leste nia luta.

Iha fatin hanesan, Administrador Lakluta, José Andrade, apresia tebes ho lider boot nain tolu, Xanana, Ramos Horta no José Luis Guteres neebé hala’o vizita hamutuk ba iha fatin ne’eba.

“Uluk asuwain iha rai liur maun Ramos Horta no José Luis Guturres, iha Ailaran mak Maun Xanana,” Administradór José Andrade subliña. (cao)

 800 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Iha Vikeke, Falur Rate Laek: Xanana ho Horta Lí…” A few seconds ago

Lee Mós :
Konfronta entre Militante Rezulta Vítima Na’in-16 no Uma 7 Estragu

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No