ADVERTISEMENT

Salva Oan , Inan Koa Laen Nia Oin Lulik

  • Share

(Reportajen Jaime Pires, Editor Rosa Garcia)

DILI (Timor Post) – Kazu Insestu mosu tan, ida ne’e mosu ba aman ida iha Munisipiu Viqueque ba nia oan feto rasik.  Inan ne’ebe kaer toman hahalok nia kaben ne’ebe  halo violasaun sexual hasouru nia oan feto, lori tudik koa iha nia laen nia oin lulik .

ADVERTISEMENT
SCROLL FILA BA NOTISIA


Ba Timor Post via telefone sesta (25/06), Komadante PNTL Munisípiu Vikeke, Superentendente Sebastião Alves , informa, inan feton ida ho inisiá QM lori tudik koa kotu nia kaben “laen” nia oin lulik tanba kaer toman halo Violasaun Sexual hasoru nia oan feto rasik iha Suku Uma Tolu,  Aldeia Krararas Naruk, Postu Administrativu Vikeke Vila Munisípiu Vikeke.

Lee Mós :
Governu Prolonga Serka Sanitária no Konfinamentu Obrigatóriu iha Dili no Implementa mós iha Baukau-Vikeke

“Loos duni kazu ne’e akontese, agora ami halo ona investigasaun hodi aprezenta ona kazu ne’e ba Ministériu Públiku hodi enkamina ba Tribunál Baucau,” esplika Sebastião ba Timor Post liuhusi viatelefone, sesta (24/06), relasiona ho fen neebe kua tiha aman na oin lulik.

Haktuir ,Komandante PNTL Munisipiu Vikeke ne’e tan, hafoin akontesimentu, polísia to’o kedas iha fatin hodi halo investigasaun no evakua kedas vitima ba Hospitál Viqueque hodi kontinua ba Hospitál Baukau, no detein kedas suspeitu QM hodi halo investigasaun durante oras 72, enkuandu vitima AJSM, polisia lori ba uma mahon hodi fó konsolasaun espiritual.

Lee Mós :
APC Rejistu Uma Kain 31 Hetan Dezastre Naturais no Nain Rua Lakon Vida

Nia dehan, Suspeitu  mós agora dadaun ne’e sei hala’o tratamentu saúde iha Ospital Baukau, nune’e mós nia kaben hein de’it primeiru julgamentu iha Tribunál Baukau.

“Suspeitu mós ita lori ona ba, hein de’it julgamentu,”nia hatete.

Subliña, tuir dadus investigasaun ne’ebé PNTL Vikeke rekolla, suspeitu QM koa nia kaben MS nia oin lulik, tanba lamenta no trauma bainhira haree direita nia kaben halo relasaun hasoru nia oan feto AJSM.

Nia deklara, akontesimentu ne’e halo familia inklui viziñu sira sente hakfodak hodi kontaktu kedas PNTL munisipiu vikeke hodi halo kedas  atuasaun.

Iha sorin seluk, Portavós Komandu Jerál Polísia Nasionál Timor-Leste (PNTL), Superintendente Xefe, Arnaldo de Araújo, hosu ba Komandu PNTL Munisípiu Vikeke atu halo investigasaun klean ba kazu ne’e, no buka koordena ho uma mahon sira atu fó moral esperituál ba vitima ne’e.

Lee Mós :
Previzaun Solar Eclipse Sei Akontese Iha TL Iha Tinan 2168

Nutisia ikus ne’ebé Timor Post hetan hosi komandante  Viqueque katak, suspeitu “aman” oras ne’e lori ona mai nasional hodi halo tratamentu ba nia kondisaun saude. (Lee nutisia seluk iha Jonal Diariu Timor Post)

 

 951 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Salva Oan , Inan Koa Laen Nia Oin Lulik” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No