ADVERTISEMENT

Ahi Han Mutuk Uma Lisan Lakusili, Ainaru

Mateus da Cruz - Ainaro · Munisípiu
  • Share
Ekipa korpu bombeirus Munisípiu Ainaro rega hela ahi ne'ebé sei suar nune'e labele hadaet ba uma seluk ne'ebé besik. ImajenTP/luis Casimiro

(Reportajen Korrespondente Manufahi Luis Casimiro Lopes/Editor Mateus da Cruz )

Manufahi (Timor-Post)—Maizumenus iha oras tuku 11:30 dadeer, akontese ahi han mutuk uma lisan Lakusili, iha Aldeia Ailora, Suku Foho Ailiko, Postu Administrativu Hatu-Udu, Munisípiu Ainaru. Seidauk hatene motivu loloos hosi inséndiu ne’e maibé deskonfia de’it ema maka sunu.

ADVERTISEMENT
SCROLL FILA BA NOTISIA


Ekipa bombeiru ne’ebé hetan kontaktu hosi komunidade sira la konsege salva uma lia no sasán sira iha laran tanba to’o tarde iha fatin akontesimentu.

Vítima, Prefasio da Costa Coelho haktuir, iha dadersán nia sepila hela aiiha uma boot ida ne’ebé foin halo, derrepente ferik oan sa’e mai haree ahi lakan tiha ona hosi uma kakuluk tun mai uma laran.

Lee Mós :
Foho Ramelau Fatin Turístiku no Sagradu

“Haree ahi ne’ebé naburun ona iha uma kakuluk ha’u halai tama ba uma laran foti de’it sasán lulik uma ninian hodi halai sai,” dehan, Prefasio ba Timor post, iha Same, Segunda (21/03).

Nia haktuir, inséndiu ne’e rezulta sasán uma laran hanesan roupa, hahán no sira seluk inklui osan.

Kauza husi inséndiu ne’e nia rasik la deskonfia ne’e mai hosi eletrisidade ou mai hosi uma laran maibé nia deskonfia katak ne’e ema balun maka sunu.

Lee Mós :
Rezultadu ElPar 2023 Partidu Plataforma Lakon Iha Munisípiu Aileu

Deonato haktuir, insendiu ne’e komunidade hato’o duni informasaun ba parte korpu bombeiru Munisípu Ainaru, maibé ekipa bombeirus to’o mai uma ahi han mutuk tiha ona.

Entretantu Koordenadór protesaun sivíl korpu bombeiru Munisípiu Ainaru, Leonel Valente da Costa, hatete, sira nia ekipa to’o tarde tanba distánsia ba fatin akontesimentu dook liu.

“Maibé haree ba distánsia hodi Ainaro villa mai aldeia Ailora do’ok tebes no kondisaun estrada la di’ak nune’e difikulta ekipa to’o fatin akontesementu tarde nune’e ami to’o la konsege salva uma no uma motuk tiha ona”nia esplika.

Lee Mós :
Governu Troka Malu, Estrada Tulataqueu no Faturasa Aat Ba Beibeik

Maski la konsege salva uma refere, maibé nia dehan,  ekipa konsege hamate ahi ne’ebé sei lakan hela iha fatin akontesimentu  hodi labele fó fali ameasa ba uma sira seluk.(Lee notisia seluk iha jornal Timor Post/asesu youtube Timor Post)

 1,055 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Ahi Han Mutuk Uma Lisan Lakusili, Ainaru” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No